Page 59 - MEDIA MONITORING JULY 11, 2018

10
Djarason 11 Yüli 2018
Parlamentario di Sint Maarten Christophe Emmanuel:
‘Ronald van Raak tin ku hala su palabranan aden’
WILLEMSTAD.- Miembro di Parlamento di Sint Maarten Christophe Emmanuel di National Alliance a konvoká parlamentario ulandes Ronald van Raak pa hala su palabranan aden inmediatamente. Van Raak den un kolumna ku a keda publiká dia 25 di mei den korant The Daily Herald i tambe riba e wèpsait The Post Online a skirbi ku Emmanuel a kometé froude ku emishon di tereno. Abogado di Emmanuel ta eks-minister Roland Duncan.
El a manda karta na Van Raak, pa su kliente. Den e karta Duncan ta skirbi
ku deklarashon di Van Raak ta kompletamente falsu i ku Van Raak tin ku retirá su palabranan inmediatamente. Si e no ta hasi esaki Duncan a bisa ku lo tuma medida legal kontra e polítiko ulandes.
Van Raak kasi dos luna pasá a publiká den su kolumna ku mayoria di parlamento di Sint Maarten ta keda sospechá di froude. Den su kolumna Van Raak ta menshoná diferente polítiko di Sint Maarten, manera Franklin Meyers ku no por a bira minister-presidente ‘debí ku lasonan ku doño di kasino Fransesco Corallo’. Van Raak a menshoná tambe Rolando Brison ‘ku tabatin
problema ku malversashon di sèn mientrastantu Christophe Emmanuel a kometé froude ku emishon di tereno’. Banda di esei Van Raak a menshoná Maria Buncamper, Silvio Matser i Patrick Illidge komo polítikonan ku a kometé froude. Segun Duncan e palabranan di Van Raak ta duna un impreshon no korekto. Segun su abogado Emmanuel ta keda pone den un lus negativo.
VanRaakabisakue ta konsiderá e karta komo intimidashon i ku e lo no hala aden su palabranan. Manera ta konosí Emmanuel a keda akusá dor di gobièrnu aktual di Sint Maarten ku
komo minister el a duna tereno na sierto hende. Pero esaki no a resultá den un keho te ainda. Van Raak, huntu ku ocho otro miembro
di Parlamento ulandes lo yega Sint Maarten awe pa un bishita di kuater dia na Saba, Sint Eustatius i Sint Maarten.
Kòrsou i St. Maarten lo konosé un Banko Sentral “State of the Art”
WILLEMSTAD.- Banko Sentral di Kòrsou i St. Maarten (CBCS) a skohe pa un rumbo di strategia nobo. E plan stratégiko 2018-2020
ta duna un imágen di e transformashon di CBCS pa un Banko Sentral “State of the Art”, riba kual por konfia.
E ambiente dinámiko,
tendensia i desaroyonan den mundu i e kambionan ku ta spera for di sektor finansiero, a kondusí na e transformashon.
Den su ambishon
nobo, CBCS ta buska un balansa entre su ròl komo supervisor efektivo i komo partner konsehero den negoshi pa sektor finansiero i
gobièrnu di e paisnan. Resientemente a presentá un plan stratégiko na e personal kompleto i otro “stakeholder” nan eksterno.
E strategia nobo di CBCS ta dirigí riba tres área kual ta: stabilidat monetario di Kòrsou i St. Maarten, un sektor finansiero stabil i kompetitivo, i desaroyo di un organisashon inovativo i tambe ku tin mas atenshon pa kliente. E áreanan ku ta focus riba a keda elaborá den diferente metanan stratégiko ku lo keda repartí riba e periodo 2018-2020.
Sigui lesa pagina 38
,QVNULSVKRQ SD ´VWDUWNZDOLÀFDWLHμ 6%2 QLYHO WD KDEUt
WILLEMSTAD.- Ministerio di Enseñansa, Siensia, Kultura i Deporte e aña aki un biaha mas ta habri oportunidat pa tur hóben ku no tin un “startkwalificatie” (SBO nivel 1) pa apliká pa bini na remarke pa un estudio ku enseñansa profeshonal ta ofresé. Di e forma aki ta brinda e hóben e posibilidat pa amplia su oportunidatnan riba
merkado laboral.
Pa tur hóben entre 17 i
24 aña ku no a terminá skol avansá (VSBO PBL, PKL, TKL, HAVO, VWO) ku un diploma, lei di Formashon Sosial Obligatorio ta krea oportunidat pa sigui formashon profeshonal pa alkansá un “startkwalificatie”, esta por lo mínimo un diploma di SBO nivel 1.
Ta pidi tur hóben ku
ta kai den e kategoria menshoná pa trese nan último rapòrt òf diploma di skol i nan prueba di identifikashon.
No ta importá kon leu e hóben a yega ku su estudio. Despues di inskripshon ta sigui un proseso di “screening”, pa garantisá ku kada hóben ta keda ubiká na e nivel ku ta pas ku nan.
Lugá di inskripshon:
Ministerio di Enseñansa, Siensia, Kultura & Deporte Bon Biní Business Center Schottegatweg Oost 10, Departamento di Transporte. Inskripshon ya ta habrí, i ta kontinuá te ku dia 14 di yüli 2018,23diyüliteku3di ougùstùs 2018. E orario ta di 8.00-11.30’or - 14.00- 15.30’or.
Pa informashon adishonal por tuma kontakto ku sektor di
Enseñansa i Siensia na +599 9 732 4324 òf +599 9 732 4319.
Gobièrnu un biaha mas ta krea espasio pa formashon di hóbennan i amplia nan posibilidatnan pa partisipashon na merkado merkado laboral, invitando tur ku ta kai den e kategoria ariba menshoná pa inskribí na Ministerio di Enseñansa, Siensia, Kultura & Deporte.