Page 61 - MEDIA MONITORING JULY 11, 2018

16
Djarason 11 Yüli 2018
Marvelous Production rumbo pa República Dominicana
Kandidatanan lokal den sertámen di Miss Turismo Intercontinental 2018
WILLEMSTAD.- Marvelous Production enkabesá pa sra. Marvelin Hous ta un organisashon konosí pa loke ta trata sertámen di beyesa lokal i internashonal.
Aña pasa Ra-Jeelly Ricardo i Shanteley Helena
a representá Kòrsou na República Dominicana den e sertámen di Miss Turismo Intercontinental den kategoria Baby i Junior Teen respektivamente di kualturdosabaikue título máksimo. Awor ta toka turno na nos siguiente
embahadornan ku ta kla pa promové Kòrsou despues di algun luna di preparashon intensivo dor di Marvelous Production.
E embahadornan di Turismo ku ta bai representá Kòrsou den 4 diferente kategoria ta:
Mariana Pizzella Ricci, lo kompetí den kategoria Miss Infantil Tourism; Cristal Seecharan, lo representá nos den kategoria Miss Pre-Teen Tourism; Gigienly Leolina, lo ta nos embahador den kategoria di Miss Junior
Teen Tourism i tambe nos tin Sharielle Ludowika ku ta kla pa pone nòmber di Kòrsou resoná den Miss Petit Tourism.
Kòrda sigui nan stapnan riba e página di facebook: Marvelous Production i duna nan e apoyo.
Mariana Pizzella Ricci Sharielle Ludowika Gigienly Leolina
Cristal Seecharan
Entusiasmo ta haltu pa ‘Velas Latinoamérica Curaçao 2018’
WILLEMSTAD.- Ayera tardi e fundashon ‘Curaçao Sail Foundation’ a tene un rueda di prensa kaminda nan a presentá e último detayenan i tambe e programa ofisial pa ‘Velas Latinoamérica Curaçao 2018’ ku ta kuminsá djadumingu awor, 15 di yüli.
Curaçao Sail Foundation, presidí pa Sra. Lucky Ezechiëls a presentá i duna detaye riba tur e aktividatnan ku ta bai tin relashoná ku ‘Velas’.
Fuera di yegada i estadia di 4 dia di e barkunan di bela, konosí komo ‘tallships’ di armada di 8 diferente pais, lo tin tambe oportunidat
pa bishita e ‘tallships’, presensia demostrashon di Marina ulandes kombiná ku Kustwacht i Citro, disfrutá di animashon musikal di diferente agrupashon musikal kultural i anochi konsierto grátis riba Plasa Brion.
YEGADA
Djadumingu, 15 di yüli 2018 pa 06.15’or di mainta e aktonan relashoná ku yega di e barkunan di bela lo kuminsá ku e barku Esmeralda di Chile komo promé embarkashon ku lo drenta haf di Kòrsou.
Ku tirunan di kañon esaki lo tuma lugá sigui pa entrada di e sobra barkunan.
E entrada den haf di Kòrsou ta wòrdu konsiderá komo un espektákulo kompletu, motibu pa kua a organisá un ‘Happy Velas Walk’ ku lo kuminsá for di 6.30’or di mainta i terminá pa 8.30’or riba Plasa Brion.
A sobra algun T-shirt ainda i bo por kumpra esaki pa 10 florin na ‘Top Professional Cleaning’ riba Schout bij nacht Doormanweg. E kaminata lo kuminsá pareu ku e barkunan ta drentando nos
haf saliendo for di Plasa Brion pa Prins Hendrik Werf i regresá Plasa Brion.
TOUR PA HOBENNAN
Gruponan di fakansi i gruponan sosial ku
Sigui lesa pagina 17