Page 60 - MEDIA MONITORING JULY 11, 2018

Djarason 11 Yüli 2018
11
Parlamentarionan ulandes
ta bishitá Islanan Ariba
WILLEMSTAD.- Delegashon parlamentarionan
ulandes awe ta kuminsá ku un bishita di trabou na Sint Maarten, Sint Eustatius i Saba. Meta di e bishita di den total kuater dia ta pa keda na altura di e situashon di rekonstrukshon di e islanan despues di orkan Irma. Otro punto di importansia pa e delegashon ta e situashon di gobernashon na Sint
Eustatius. E delegashon ta bou di guia di eks- minister di Relashon di Reino Alexander Pechtold. Pechtold ta e aktual presidente di e komishon fiho pa relashon di reino di parlamento ulandes.
E delegashon tin diferente bishita di trabou planiá riba e tres islanan. E parlamentarionan tambe ke kombersá ku mandatarionan i abitantenan di e tres
islanan. Ku asina nan ke forma un imágen di e situashon aktual.
Delegashon di e parlamentarionan ulandes ta konsistí di Presidente Alexander Pechtold (partido D66), André Bosman (VVD), Joba van den Berg (CDA), Antje Diertens (D66), Nevin Özütok (GroenLinks), Ronald van Raak (SP), Attje Kuiken (PvdA), Stieneke van der Graaf (ChristenUnie), Henk Krol (50PLUS).
Promé ku e bishita di trabou parlamentario André Bosman durante reunion di komishon di relashon di reino a splika ku pa su partido VVD ta importante ku proseso di rekonstrukshon ta bin huntu ku investigashon finansiero na Sint Maarten.
Bosman, durante e reunion: ‘Ta importante ku lo bin klaridat tokante situashon finansiero den diferente kompania di
gobièrnu, manera haf, aeropuerto i kompania di telekomunikashon TelEm. Ken ta e persona ku ta wòrdu pagá, kiko ta nan salario?’ Bosman tambe a pidi pa tur kuentanan anual. Tambe el a pidi pa mas informashon tokante persona riba Sint Maarten ku ta paga impuesto i kuantu nan ta paga. ‘Mi ke sa kuantu impuesto e kasinonan ta paga, hotèlnan i doñonan di yate.’
di
Bishita di trabou ta kuminsá awe
Segun parlamentario Gilbert Doran di MFK
Ya kaba nan a risibí preokupashon di mayornan pa aña eskolar 2018-2019
WILLEMSTAD.- Parlamentario Gilbert Doran di MFK den un karta ku el a manda pa minister di enseñansa sra. Marilyn Alcalá-Wallé ta hasi preguntanan relashoná ku e proseso pa inskribí muchanan
na skol i aña eskolar nobo di 2018 pa 2019.
Sr. Doran a indiká ku hóbennan a kaba di terminá un periodo eskolar, kaminda un biaha mas e aña eskolar ku a kaba di transkurí no
a bai sin su problemanan, lokual ta un preokupashon serio serka frakshon di MFK.
Na diferente okashon el a aserka señora Minister ku preguntanan i tambe durante su intervenshonnan den parlamento a ekspresá su preokupashon pa e diferente aspektonan den enseñansa ku tin falta atenshon i tambe aspektonan kaminda maneho pa un mihó sistema di enseñansa no ta esun di mas korekto.
Mas aleu señor Doran
abisakuyananawòrdu aserká pa diferente mayor i maestronan ku sierto preokupashon pa loke ta trata e aña eskolar nobo ku ta bai drenta. E aserkamentu di mayor i maestronan i su konstante bon boluntat pa apesar di tur kos pa duna kontribushon pa optimalisashon di enseñansa i den e kaso aki spesífikamente pa e aña eskolar 2018 pa 2019 por tin ménos problema, sr. Doran ta aserka minister ku
e siguiente preguntanan: minister por informá parlamento kuantu mucha a slag di enseñansa di básiko pa skol di fundeshi?
Tin kupo na e diferente skolnan di fundeshi pa e kantidat di muchanan ku ta bai drenta den e promé aña eskolar na nivel di skol di fundeshi?
Mas aleu e parlamentario ta pidi si e minister por splika Parlamento ta dikon na e momentonan aki mayornan ta pasando den problema
pa haña kupo pa nan yunan na e diferente skolnan di fundeshi?
Minister por informá Parlamento konforme lei, kuantu ta e máksimo i mínimo kantidat di mucha ku por tin den kada klas di e promé aña di skol di fundeshi?
Minister Alcalá-Wallé ta na altura ku tin skolnan ku pa motibunan sosial, emoshonal di hóbennan a disidí ku ta baha e kantidat
Sigui lesa pagina 41
Kuida bañonan públiko i krea kupo di trabou
WILLEMSTAD. - Diariamente e kantidat di persona lokal i turista ku ta trafiká den sentro di siudat ta oumentá. Ta di suma importansia na nivel di higiena general,
salubridat i bienestar sosial pa tin fasilidatnan di tualèt aksesibel i públiko.
Den sentro di siudat por tuma nota di un tendensia pa hasi uso di e hanchi smal nan pa urina, lokual ta laga
un holó desagradabel atras i tambe un bista horibel pa tantu e persona lokal, komo e turista.
Parlamentario Pauletta a tuma nota ku e bañonan públiko na Punda i
Otrobanda ya pa algun aña ta será, ku eksepshon di un. Esaki ta un oportunidat pa den kolaborashon ku ministerio di SOAW esaki realisá un proyekto di entrada adishonal
pa personanan ku un ònderstant.
Den kuadro di esaki señora Pauletta ta hasi Minister Jesus Leito algun pregunta:
1. Minister Jesus Leito lo por fasilitá parlamento informashon relevante di e estado di mantenshon di e 8 bañonan públiko situá na Otrobanda i Punda?
2. Kua ta Minister su maneho pa ku baño públiko den Otrobanda i Punda?
3. Si den kaso ku tin e posibilidat pa hasi apertura di e bañonan aki. Tin posibilidat pa huntu ku Ministerio di SOAW duna inisio na e proyekto kaminda ta fasilitá pa persona nan ku un ònderstant hasi e mantenshon diario di e baño?