Page 81 - E MODUL BAHASA BALI KELAS X
P. 81
Lianan ring punika, I raga sareng sami patut ngemban, miara kabecikan
utawi kaasrian jagat Baliné, pamekas nglimbakang, ngwerdiang seni budaya
druené, mangda sayan sami layan becik, sayan asri miwah sayan nudut
kayun. Sinalih tunggil sané minakadi piran sajeroning jagi nglimbakang seni
budaya druené punika, boya sios wantah “Basa kalih sastra Kawi Bali”
druené.
Punika kemangkin ngiring sareng sami ngutsahang, sapunapi antuk
ngwerdiang kalih nglimbakang mangda sayan ajeg basa daerah
makamiwah sastra Kawi Baliné, pamekas para anom-anomé mangda sayan
seneng lan sayan teleb malajahin basa Bali. Asapunika saantukan sastra
Kawi Baliné makéh pisan madaging indik sané mapikenoh kaagungané
sajeroning nglaksanaang darmaning agama miwah negara. Sastra Kawi
punika sampun kapaska prasida sakadi pangancan sajeroning ngwangun
jagat Indonesia ngamangguhang sakadi tetujon jagat kerta rahrja,
gemahripah loh jinawi.
Wénten kakalih pamarga sane kaanggén ngwaliang basa kalih sastra
druene, sanekawastanin pendidikan formal utawi resmi miwah pendidikan
informal utawi tan resmi. Ring sajeroning pendidikan formal, plajahan basa
Baline sampun ngranjing ring kurikulum sekolah SD, SMP, SMA miwah
perguruan tinggi. Punika nyitnayang utsaha sané becik, utsaha sané mabuat
pikenohipun sajeroning ngwerdiang kalih nglimbakang basa miwah sastra
Baliné. Munggung ring pendidikan informal, basa miwah sastra Bali punika
kalimbakang minakadinnya sajeroning kulawarga, dadia, banjar, desa, ring
sajeroning sekaa, truna-truni, pasanan-pasanan miwah sané lian-lianan.
Punika keawinan ida sang maraga guru wisésa, pamekas murdaning jagat
Baliné ngwéntenang “Utsawa Dharma Gita” nyabran warsa, boya lian
tetujonnya wantah mangda sida ngincepang, nglimbakang seni budaya
druené, minakadi ngwacén lontar olih para anom-anome sami.
80
E-MODUL PELAJAHAN BAHASA BALI SMK KELAS X
