Page 86 - E MODUL BAHASA BALI KELAS X

Pamitegep Kaweruhan (Mengeksplorasi)

Durusang wewehin kaweruhan alit-alité indik masalah sosial budaya

ring buku-buku utawi ring internét, raris selehin taler sajeroning sane

mungguh sajeroning wacana ring sor!

Durusang wacen ceritane ring sor puniki !

I Empas Tekén I Angsa

Ada koné tutur-tuturan satua I Empas luh muani nongos di tlagane

gede, bek misi lumut, katang-katang, muah sekancan bungan tunjung

ane sedekan mabunga.

”Beli, Beli Empas!” patakon empasé ane lua. “Apa, Luh?” sahut empasé

muane. “Icang demen pesan ngoyong dini, Beli. Wiréh di tlagané gede

ené bek misi bé. Tegarang tolih ja Beli, ento ada be Jeleg, beboso, mujair,

palatimah, muah bé lindung malelangian.“Béh, sajan pesan Luh! Ulian

ento awak nyainé mokoh tuara ngelah potongan angan abedik, wiréh

selid sanja nyai pepek baan amah-amahan.”Luh, apa nyai suba nawang?

Ento ditu tolih! Jani nyai suba ngelah timpal di tlagané ené. Iwasin ja,

ento ada angsa mabulu putih luh muani. Ia demen pesan masih

malelangian di tlagané ené patuh tekening unduk nyainé. Mai, kema

mlali!”.”Mai Beli! Jalan paekin Ia. Anggon Ia kekasihan sawiréh awak pada

madunungan di tlagané ené,” keto tutur empasé luh nyautin.

Nah, jani kacritayang sawatara duang bulan empasé suba pada

matimpal ajaka i angsa luh muani. Béh, yén tuturang, sinah ngenah

pesan kalegaan atiné pada magirang-girangan. Makejang ngenah demen

pesan malelangian di tengah tlagané ento. ”Beli Empas! Jalan uber i

angsa, nyak!” ”Lan! Masak empas kalahanga angsa mangalangi,” keto

pasautné I Empas muani. Lantas pada mauber-uberan cara anak

makering-keringan ajaka patpat. ”Nah bakat batis Cainé, Angsa. ”Nah

bakat masih tundun cainé, Empas,” pasaut angsa muani.

85

E-MODUL PELAJAHAN BAHASA BALI SMK KELAS X