Page 89 - E MODUL BAHASA BALI KELAS X
P. 89
Béh, baan tusing kodag-kodag ban gedeg basangné karasa nganti
maplitutan asan basangné gedegan ngenehang awakné orahanga tain
sampi tuh. Lantas I Empas makadadua sabarengan ngwagan bungutné
lakar nyautin ibané tidong tain sampi. Aduh, méh suba pituduh Widhi,
lantas empasé ajaka dadua magelebug di tengah kalangan tegalé. Mara
magelebug di tegalé tur tondén ada apakpakan makeloné ulung sagét I
Kuluk suba nangal I Empas pada mabesik. Pragatné I Empas ajaka dadua
luh muani mati kadangal baan kuluk luh muani.
”Aduh, Beli! Pedalem pesan I Empas ajaka dadua. Wiréh tusing sida baan
Icang nulungin ngisidang uli tegalane ditu!” omongné I Angsa Lua
sambilanga makeber.
”Men, keto suba matiné katepuk. Krana Ia tusing pesan nuutang munyi ané
patut tur mautama.”
”Saja masih, Beli! Nyén ja bas Ngulurin gedeg basang sinah ia lakar nepukin
sengkala.”
Teka goak nyokcok kuud, satua bawak suba suud
.
Risampuné nguratiang wacana ring ajeng rerehang kaweruhan
sané wénten siosan sakadi ring buku-buku, internet, raris saurin
pitakene ring sor puniki!
a. Indayang tulis bebaosan utawi percakapan sane wénten ring cerita
ring ajeng.
b. Indayang baosang indik pariindikan sosial budaya sané mungguh
ring cerita
ring ajeng.
c. Indayang baosang piteket sané mungguh ring cerita ring ajeng
anggen tuntunan
ring kauripané.
88
E-MODUL PELAJAHAN BAHASA BALI SMK KELAS X
