Page 7 - Kabudayan Jawa_ukbi2

 Kegiatan Inti

Kagiyatan Pasinaonan 1
Wacanaen teks ing ngisor iki banjur wangsulana pitakon-pitakone!

Tingkeban utawa Mitoni

Mitoni iku asalé saka tembung pitu (7). Upacara adat iki dianakaké wektu calon ibu
nggarbini utawa meteng 7 sasi. Ancasé kanggo keslametan calon bayi lan ibuné utawa
kanggo sing sipaté tolak bala. Ing dhaérah tartamtu, upacara iki uga diarani tingkeban.
Makna Jabang bayi umur 7 sasi iku wis nduwe raga sing sampurna. Dadi miturut pangertene
wong Jawa, wetengan umur 7 sasi iki proses pangriptane manungsa iku wis nyata lan

sampurna ing sasi kaping 7. Paraga sajrone upacara adat Jawa mitoni yaiku, bapa, biyung,
lan juru upacara adat jawa mitoni.
Ing upacara kasebut ywa ana uba rampe sing digawe syarat upacara. Uba rampe
sajrone upacara adat Jawa mitoni ana loro yaiku, uba rampe mateng lan uba rampe
mentah. Uba rampe mateng ing antarane,yaiku sekul janganan, jenang abrit, jenang baro-
baro, jajan pasar lan sriyatan kang ginawe saka wijen, dhele (kacang kang kagangsa ing gen-
dhis), cengkaruk timbal, penyon, pring sadhapur lan tumpeng robyong kang arupa tumpeng
dicemplungake ing cething, diwenehi iwak kebo lan endhog, godhog, gereh,lan krupuk,
rujak, lan Ampyang. Ubarampe mentah ing antarane,yaiku Lombok, Terong, pala
pendem(mbote,kacang tanah,menyok,tales), pala gumantung(kates), pala marambat(telo),
janganan lan jinis kembang-kembangan. Tumpeng janganan iku digawe cacah pitu dijangke-

pi pitung iji apem conthong.

UKBM Kabudayan Jawa 7