Page 13 - Tualsung Danbu 2020 Beth EBCC

8.3 Clerk-cum-Accountant Chinna dingte (Qualifications):
8.3.1 EBC Saptuam a Full Communicant Member, 1/10 ginomtak a pemi.
8.3.2 Piangthak diktak, ginom, thanuam, thumang leh sepding a kipiate a
hunhun a zou thei mi.
8.3.3 Biakna limsak, khamtheih leh thilchiin hoihloute a kibuallou mi.
8.3.4 Computer zangthei banah a niampen a In-design, Microsoft Word leh
Microsoft Excel zangsiam.
8.3.5 Laisiamna lam ah Pawl -X apan a tunglam.
8.3.6 Biakin vante mahni a bang a intektak a kem ngap mi.
8.3.7 Two wheeler apan a tunglam zangthei mi.
8.3.8 Taksa kum 18 apan a tunglam, himahleh kum 50 sang a upa zawlou.

8.4 Peon-cum-Chowkidar Sepdingte:

8.4.1 Saptuam’ inntekna a kikhopna leh program kizang dingte leh dakkhet
kulna om himhimte ah dak a khen ding. Biakin sung leh pua, Compound
sung, Saptuam’ vanneihte hahsiang, kepbit, puahphat ngaite puahpha in
intektak in nna a sem ding. Van kisia ama’ bawltheih tan a bawl dia, ama’
hihtheihlouh tan ah azat hun lap dia bawlzohna di’n report a pia zel ding.
8.4.2 Saptuam toh kisai a laihawm ding omte (Department teng a) a hun lap
ding in a hawm in a kaikhawm zel ding.
8.4.3 Office kai ni leh hunte ban ah kailouh hun ah leng a poimoh hun a
zattheih ding in a om ding.
8.4.4 Hiai a kigen khalou leng TBSUC in a hunbang zel a sep ding a piakte
thanuamtak in a semkhe zel ding.

8.5 Clerk-cum-Accountant Sepdingte:
8.5.1 Saptuam sung a department teng nna sepsuah ding omte ban ah
TBSUC in a kul bangzel a sep ding a piakte a semsuah zel ding.
8.5.2 Saptuam’ neih-le-lam, sum-le-pai enkoltu ahi ding a, niteng sumlut leh
pawtte hoihtak a chiamteh in a kisaipih Departmentte toh a hihfel zel ding.
8.5.3 Office records, files leh a poimoh bangkim feltak in Computer leh record
bu/filete ah a khumlut zel ding. ( hard & soft copy om thei ding in)
8.5.4 Akul leh poimoh zil in office hour lou in leng sawl a om bangbang a sem
zel ding.

-12-