Page 9 - Tualsung Danbu 2020 Beth EBCC

4.1.3 Naungek ni 120 (za sawmnih) sung a si omleh lamzuih a si a ngaih ahi
dia, mipi khawm selou in inntekte’n a vui thei ding uh.

4.1.4 Vengsung ah siluang omsung biakna program neih ahi kei ding. EBC mi
sihna ah siluang om nawnlouh hun in BYF kikhopna leh Bial kikhopnate
chihlouh Biakin program dangte a ngeina bang a zat ahi ding. Biakin toh
kinailuate a si inn lenkhop hunte in Biakin kikhopnate neih ahi kei ding.

4.1.5 Saptuam inntekna a vuiding siluang hongtun ding hun toh biakna
program a kituah khak hun in biakna program pen neihlouh ahi ding.
Hiai in Biakna program kizat hunsung a hongtung man dingte leng a
huam tel ding.

4.1.6 Saptuam inntekna a kivuite Saptuam in siatvilna program a bawl ding.
Biakna program toh siatvilna hun a kituahkhak leh biakna zawh chiang a
siatvilna pat/neih ahi ding.

4.1.7 Saptuam inntekna a sivuina leh siatvilna programte ah Saptuam mi a
tam theipen in uap ding ahi.

4.1.8 Gouchinkhup Veng sung a Saptuam dangte inntekna a EBC mi kivui
ding omleh Bethlehem EBC in hun khat la in galna Sum Rs. 1,000/- piak
ahi ding.

4.1.9 Ordained Pastor leh Upate sihna tuak omleh semlai leh pahtakna lai
sangsate kibang in galna Sum Rs. 5,000/- leh Paite puandum banah pak
piakna leh Tuailai lapawl toh sunna neih ahi ding.

4.1.10 Tual Upa leh Saptuam goih semtute hihsung a sihna tuak a om leh Upa
Committee in a bikhiah zah galna sum leh Paite puandum a tuam ahi ding.

4.2 Siluang khakkhiak dingte toh kisai :
4.2.1 Bethlehem EBC mikhat inntekna a EBC mi hilou siluang khakkhiak ding
om leh Bethlehem EBC in galna sum Rs. 1,000/- piakkawm a hun zat ahi
ding.
4.2.2 EBC mi siluang mun dang a puakkhiak ding Gouchinkhup Veng sung a
om EBC mi hi-in hikei taleh tuate inn a hong kinga theihkhak louh leh lap
man louh ahih kei leh tuabangte ah Bethlehem EBC in hun khat la in
galna Sum Rs. 1,000/- piak ahi ding. (Hiai in Gouchinkhup Veng sung a
om hingal a veng dang EBC Saptuam a omte a huam kha kei ding)

-8-