Page 7 - Tualsung Danbu 2020 Beth EBCC

2.3 Tualsung Saptuam Member Suahtheihna:
2.3.1 EBC Saptuam mi hisa leh hisa lou, EBC’ Thugin leh Sinsakte pomthei a,
Bethlehem Saptuam a member hih ut a kingen peuhmahte laklut theih ahi
ding uh.
2.3.2 Tuabang mite’n pemlai/kingetna lai kichiantak a hontawi ding uhi.
2.3.3 Saptuam pawldang apan honglut ut a pemlai hon tawi lemtang theiloute,
pemlai kalh a kul kei ding.
2.3.4 Tualsung member suahtheihna ding a atung a kigenkhaloute peuhmah
EBC Dante 2015 a kigen bangbang set leh zat ahi.

2.4 Budget/Year Plan/Year Calendar:
2.4.1 Bethlehem Saptuam, Annual Budget leh Year Plan nei in a pai ding a,
Departmentte’n Proposal bawl in TBSUC ah a pelut ding uh.
2.4.2 Tuakhit in Annual Budget Meeting sam in Approval a bawlkhawmpih
zel ding hi.
2.4.3 Saptuam program kiphubuai kha omlouhna ding in Year Calendar leng
bawl zel ahi ding.

2.5 Finance Code:
Sumsaina feltak a sai a hihtheihna ding in Finance Code a nei ding.

2.6 Saptuam Nasemte :
Bethlehem Saptuam’ nasem ding in Peon-cum-Chowkidar khat leh
Clerk-cum-Accountant khat a nei ding.

2.7 Vaisaina leh Thunasepna:
2.7.1 Vaisaina peuhmah TBSUC makaih a sai leh sep ahi ding hi.
2.7.2 Thunasepna lam (Ministry) peuhmah Pastor/Ministerial Committee
makaih a sep ahi deuh ding hi.
2.7.3 Tualsung Danbu 2020 a gen khaklouh peuhmah ah EBC Dante a
kigen bang set leh zat ahi.

2.8 Gam leh Vanneihte:
2.8.1 Bethlehem Saptuam a vek ahi.
2.8.2 A kepna leh a zatna dante Department teng in hoihtak in a nei ding uh.
2.8.3 Gam leh van neihte gelhlutna (record) laibu hoihtak neih ahi ding.
Property Secretary in a enkai ding.

-6-