Page 10 - Tualsung Danbu 2020 Beth EBCC

ARTICLE 5 : KITENNA

5.1 Kitenna toh Kisai:

5.1.1 EBC Dante a Khristian Kitenna dan omsate set ahi.
5.1.2 Saptuam inntekna a Khristian dan a Kitenna ah Saptuam in Biakin
program tan a bawl ding. Kiten thakna mun ding in Biakin mah zat
ahi ding. Taksa hatlouhna ziak a Biakin mun naihzoulou ding a om-
-leh inmun ah leng saitheih ahi ding.
5.1.3 Kitenna hun thu ah kiteng dingte deihna leh TBSUC lemsakpihna in
zing, sun hiam nitak inleng hun khatpeuh ahi thei ding. Biakna kikhop
ni leh hun omsekte bel sukbuai louh tup chiat ding ahi.
5.1.4 Bethlehem Saptuam in Kitenna toh kisai a, a deihpen laitak a Khristian
Kitenna ahi. Kitenna puansilh leh silhlouh thu ah thukhun bangmah a
nei kei. Laitak a Khristian kitenna dan zui a kiteng peuhmah Saptuam
in a bawl zah kipahpihna piak ahi ding. Department tuamtuam in amau’
kibawl paidan zui in kipahpihna a bawl thei ding.
5.1.5 Bethlehem Saptuam’ neih moupuan Bethlehem Baptist Church member
laitak a kitengte leh dan a kitengthakte’n khelhman omlou, a sawpman
leh nawtman pia a zat phalsak ahi ding.
5.1.6 Mouneite’n kitenna banner a taknop uleh phal ahi ding a, Biakin chei
leh bawl lamdang pen phal ahi kei.

ARTICLE 6 : COMMITTEE LEH ASUNG A PANMUN

6.1 Department chih a Committee Sung a Panmunte (Office Bearer):

6.1.1 Department chih a Committee sung a panmun tuamtuam lentu –
Chairman, President, Superintendent, Vice Chairman, Vice President,
Assistant Superintendent, Secretary, Assistant Secretary, Finance
Secretary (HQ & Gen.), Treasurer leh FCOte a vek un Office Bearer ahi
ding uh.
6.1.2 Ministerial Committee EBC Dante a omsa bangbang set ahi. Ministerial
Committee a tutkhawm chiang in Local Pastor in Chair a la dia, TBSUC
a Assistant Secretary in Secretary nna a sem ding. TBSUC a Office
Bearerte member ahi ding uh.

-9-