Page 5 - Tualsung Danbu 2020 Beth EBCC

THUBUL (PREAMBLE)

Pa Pathian itna, A Tapa Jesu Khrist’ hehpihna nuai a kitulut in, A Kha Siangthou’ makaih-
na zuikawm in, Jesu Khrist sinsak thuginte zui a sinsak a semsuah ding in, Khristian
mimal leh a pawlpi in Toupa deihna bang a Khalam leh Salam Khanna ding in, Tang-
tawn Toupa a kibulphuh leh Tangthupha Gahsuah Saptuam hiding in, Bethlehem Baptist
Church, Evangelical Baptist Convention, New Lamka (G) chi-in, October 02, 2004 in Pa,
Tapa leh Kha Siangthou min in ka kiphutkhia uhi.

ARTICLE 1 : MIN GENTELNA

1.1 Min: Bethlehem Baptist Church, Evangelical Baptist Convention, New Lamka (G).

1.2 Laibu Min: Hiai laibu min Bethlehem Baptist Church, Evangelical Baptist Conven-
tion, New Lamka (G) Tualsung Danbu 2020 (Tualsung Dan – 2009, Puahthakna-
2016, Puahthakna-2020) a kichi hi.

1.3 Dan Kizatna: Tualsung Danbu 2020 Bethlehem Saptuam a memberte tung a zat
ahi ding hi.

1.4 Danbu Kizatpat Ni: Tualsung Danbu 2020 TBSUC Thupukna bang a May 03, 2020
(Pathianni) a zatpat ahi.

1.5 Dan Kiphiatte: Tualsung Danbu 2009 leh a nung a Dan phuahphatna 2016 sung
ah thu omte hiai Tualsung Danbu 2020 zat a hih ni apan Danbu sung ah gelhlut
nawnlouh teng kiphiatsa ahi pah hi.

1.6 Dan Kisendente: Dan masate puahphatna ding a Dan masate apat kilasawn hiai
Danbu thak sung a kigelhlutte Dan kisendente ahi.

1.7 Dan bawlthak theihna leh Dan omsate phiat theihna: Dan bawlthak theihna leh
Dan omsate phiat theihna TBSUC khut a om ahi.

1.8 Hiai Tualsung Danbu Article teng a Dan kibawl in a genkim khak louh teng ah
TBSUC phasak bangbang thutawp ahi ding.

-4-