Page 28 - Imagine A castle Final web version

AN CHOILL MHÓIR INNIU

Eastát na Coille Móire sa lá atá inniu ann

Anois féach ar an léarscáil thíos: taispeánann sé an limistéar céanna beagnach, mar atá sé inniu. Cé go
bhfuil an stíl difriúil, d’fhan cuid de na gnéithe mar an gcéanna. Tá an léarscáil nua-aimseartha níos ildaite
agus níos mionsonraithe. Tá grafaicí ar na léarscáileanna ar a dtugtar eochracha a úsáidtear chun faisnéis a
thabhairt dúinn. Tá an bhrí atá le gach eochair léirithe san eochair eolais ag bun na léarscáile. Mar shampla,
tá eochracha ann chun láthair phicnicí agus cró na muc a thaispeáint. Úsáidtear uimhreacha freisin a
fhreagraíonn do chomharthaíocht ar an eastát.

Anonn Chugatsa!
Samhlaigh d’Eastát

Samhlaigh go bhfuair tú an láthair foirfe chun do rogha eastát a thógáil. Samhlaigh tú féin ag siúl
trí d’eastát: cén chuma a bheadh air? Cén chaoi a n-aireofá dá mbeadh tú i do chónaí ann? Cén
t-ainm a thabharfaí air?

• Tarraing d’eastát ó do shamhlaíocht: D’fhéadfadh an caisleán a dhear tú roimhe seo a bheith
ann nó foirgnimh go hiomlán difriúil. Líon an leathanach, is féidir leis a bheith chomh néata nó chomh
mínéata agus is mian leat!
• Mapáil d’eastát: Cruthaigh eochair eolais léarscáile agus eochracha. Cuir lipéad ar gach cuid de d’eastát
Nuair atá tú críochnaithe, suigh le cara agus taispeáin bhur n-eastáit dá chéile agus labhair faoi na sonraí
go léir.
• Comhoibriú: Taispeáin na heastáit go léir a chruthaigh do chomhpháirtithe ranga ar an urlár nó ar na
ballaí agus caith súil ghrinn ar gach ceann acu. An bhfuil aibhneacha nó bóithre ann a d’fhéadfá a leathnú
chun na heastáit a nascadh? Céard faoi sheirbhísí a chur isteach a bheidh ag teastáil ó na heastáit go léir,
mar chórais iompair nó cumarsáide, ziplíne ollmhór ag luascadh ón gcéad eastát go dtí deireadh an eastáit
dheireanaigh? Anois tá do phobal féin agat!

27 8