Page 33 - Imagine A castle Final web version

SCÉALTA I bhFOIRM PICTIÚR

SCÉAL I nGLOINE DHAITE

Tá na mná rialta Beinidicteacha ina gcónaí i Mainistir na Coille Móire ón mbliain 1920. Roimhe sin,
chónaigh siad sa Bheilg i mainistir ársa i mbaile darb ainm Ypres ach rinneadh ionsaí buama air ag tús an
Chéad Chogadh Domhanda. B’éigean do na mná rialta teitheadh, ar nós na mílte duine eile, agus rinneadh
dídeanaithe díobh. I ndiaidh áit chónaithe oiriúnach a lorg ar feadh roinnt blianta, tháinig na mná rialta ar
Chaisleán na Coille Móire agus bhog siad anseo. Rinne siad mainistir den chaisleán.

Is fuinneog dhaite bhréige í seo
atá ar taispeáint i Mainistir na
Coille Móire sa lá atá inniu ann.
Baintear úsáid aisti chun leagan
simplí de scéal na mban rialta a
insint. Insíonn na híomhánna
ó chlé go deas an scéal. De
ghnáth, déantar fuinneog
dhaite le píosaí gloine dhaite ar
leith, ach tharraing dearthóir
grafaicí na híomhánna seo ar
phíosa gloine.

Cad faoi
Gailearaí
Portráidí ranga a
dhéanamh?

Anonn Chugatsa!

SEO DO SHEANS LE BHEITH CRUTHAITHEACH!

Féinphortráid: Cruthaigh féinphortráid díot féin. Roghnaigh do mheán:
grianghraf, péint, colláis, etc. Cad is mian leat a thaispeáint, cad é a dhéanann
duine uathúil díot? Roghnaigh an dreach a bheidh ort, an cúlra, na héadaí
a chaithfidh tú agus na rudaí a bheidh le feiceáil, chun scéal a insint faoin
gcineál duine tú.

Coimisiún: Iarr ar dhuine i do rang portráid a dhéanamh díot. Mínigh dóibh cén dearcadh is mian a bheadh
ag an domhain ort agus lig dóibh do phortráid a chruthú. Inis dóibh cén chuma ar chóir a bheith uirthi:
dáiríre, greannmhar, lán dathanna, monaton?

Samhlaigh scéal i ngloine: Cruthaigh dearadh d’fhuinneog dhaite a insíonn scéal do shaoil i bpictiúir.
Cad iad na gnéithe tábhachtacha de do shaol a chuirfeá ar taispeáint? Cad faoi do chéad lá ar scoil, cóisir
bhreithlá, an lá a fuair tú peata nua, an lá a thug an fhoireann is fearr leat craobh leo. An bhféadfá do theach
nó d’áit dhúchais a chur sa chúlra?

32
13