Page 18 - gg

6. Tata Cara Nggancarake Tembang

Minangka ancer-ancer, menawa arep nggancarake tembang, luwih

becik ngeling-eling bab-bab ing ngsior iki:

a) Cakepan tembang kudu diwaca tumemen

b) Iketane ukara kaothak-athik kaya dene ing ukara dhialog, ora perlu

urut kaya gatrane tembang, nanging aja ngenti adoh saka underan

isine tembang

c) Tembung-tembung Kawi kudu ditegesi luwih dhisik supaya ngerti

maksude tembang

Ringkesan Wulangan

Tembang Macapat yaiku jinis puisi Jawa gagrag anyar sing macan€

kanthi cara medhot patang wanda patang wanda sarana dilagokake.

Tembang Macapat mujudake sawijine jinis tembang kang kaiket dening
paugeran guru watak, guru gatra, guru wilangan, lan guru lagu. Guru watak

yaiku paugeran bab wewatakane utawa sipat panganggone tembang. Guru

gatra yaiku cacahe baris sajrone sapada (bait? .Guru wilangan yaiku cacahe

wanda (suku kata) sajrone sagatra/sabaris. Dene guru lagu yaiku swara vokal

ing wanda wekasan sajrone gatra/baris.
Cara napsirake tembang Macapat yaiku kanthi ngerteni jinis lan watake,

ngerteni kelir/latar (panggon, wektu, swasana), ngerteni bakune rembung

utawa obyeke, ngerteni lelewane basane, lan ngerteni makna utawa piweling

sing kinandhut. Dene tata carane nggawe tembang Macapat yaiku nemtokake

tema, nemtokake jinis tembang lan wateke, nemtokake samubarang utawa
kedadeyan sing bakal diwedhar, lan nulis tembang kanthi nggatekake

pamilihe tembung/dhiksi lan lelewane basane kang slaras karo

paugeran/gurune.

16

0