Page 6 - MODUL BAHASA JAWA LATIHAN
P. 6
Wacanen atur pasrah lan atur panampi pasrah temanten ing ngisor iki!
Assalammmualaikum wr. Wb
Kula nuwun,
Para pinisepuh, para sesepuh, para tamu kakung putri ingkang luhur ing budi. Nyuwun
pangapunten kula paripeksa nggempil kamardika panjenengan sedaya, saperlu kula matur ing
ngarsanipun bapa …sekaliyan.
Nuwun Bapa …. Sekalian. Kula dipunsraya dening Bapa …. Kinen hamasrahaken putranipun jalu
ingkang nama pun bagus …. Inggih ponang pinangantyan kakung.
Sapisan ngaturaken salam taklimipun kanthi pepuji mugi-mugi Bapa …. Sakaluwarga tansah
pinayungan ing pangeran satemah hambabar rahayu wilujeng lumeber ing sedayanipun.
Kaping kalih kula kinanthen rowing sawetawis, kadhawuhan nyowanaken calon putra
penganten nama pun Bagus …. Ingkang sampun sarembag badhe kadhaupaken kaliyan Rara ….
Putra-putri panjenengan.
Ingkang punika mugi keparenga nampi. Dene wonten kekiranganipun, Bapa …. Sekaliyan
nyuwun agenging pangapunten.
Salajengipun kalampahanipun dhauping penganten kasumanggakaken ing kepareng
panjenengan sakaluwarga.
Minangka panutuping atur, mbok menawi wonten atur kula saklimah, sowan kula sarowang
ingkang kirang trapsila satemah boten damel renaming penggalih panjenengan punapa dene
para tamu, kula nyuwun lumunturing pangaksami.
Cekap semanten, nuwun
Wassalammualaikum, wr. wr
