Page 5 - E-MODUL INTERAKTIF UNGGAH-UNGGUH BASA

UNGGUL v

Prasyarat Migunakake Modul

Kaprigelan kang kudu disamektakake sadurunge sinau migunakake modul “UNGGUL” yaiku:

1.Para siswa kudu duwe niyat kanthi tumemen supaya antuk hidayah saka Gusti Allah SWT;

2.Nguwasani materi sadurunge kang wis disebutake ing sajroning modul;

3.Bisa migunakake piranti online, media offline, utawa lingkungan sakiwa tengene;

4.Duwe kaprigelan kanthi milih media kang disenengi; saha

5.Modul iki digawe kanthi nggabungake pola pasinaon online kanthi migunakake internet lan

pasinaon lingkungan ing sakiwa tengene (tradhisional).

Pituduh Migunakake Modul

Tata cara migunakake modul “UNGGUL” yaiku:

1.Anggone nindakake pasinaon adhedhasar modul kudu trep dhateng tata cara kang wis cumawis

ing sajroning buku;

2.Piranti kang perlu disamektakake kanggo nyengkuyung sinau bisa awujud handphone, tab,

komputer, laptop lsp;

3.Platform kang digunakake ing modul “UNGGUL” iki awujud gabungan, tegesipun migunakake

daring (online), luring (offline), utawa gabungan (daring lan luring). Mligine ing kagiyatan

pasinaon lan pambiji;

4.Media kang digunakake uga mawarna-warna, bisa awujud kamus, TV, radio saha internet;

5.Nggarap gladhen-gladhen kang wis sumadya ing sajroning modul iki.

Andharan Kanggo Siswa

Ing modul “UNGGUL” para siswa diajab bisa nguwasani materi bab unggah-ungguh basa ing kelas

VIII. Materi iki bisa nggladhi mawarna-warna kaprigelan, yaiku kaprigelan nyemak, kaprigelan maca,

kaprigelan wicara, lan kaprigelan nulis. Kabeh perangan mau wis sumadya ing sajroning modul iki.

Ewadene, wektu kang dicakake kanggo nyinau buku iki 1 bab padha karo 1 pepanggihan Kegiatan

Belajar Mengajar (KBM) utawa bisa dicakake miturut kahanan saben sekolah. Ing modul iki uga

migunakake basa Jawa campuran utawa ngoko lan krama, satemah para siswa bisa gampang

mangerteni anggone nggarap.

Lakoning Dwija (Guru)

Lakoning guru anggone nggunakake modul “UNGGUL” yaiku nalika para siswa kurang mangerteni

pituduh ing sajroning modul, para siswa bisa nyuwun pirsa marang guru supaya mbiyantu

ngarahake carane nggarap gladhen kang wis sumadya.

Lakoning Tiyang Sepuh (Pendamping)

Lakoning tiyang sepuh anggone migunakake modul “UNGGUL” yaiku wiwit para siswa nggarap

modul. Tiyang sepuh bisa ndampingi putrane lan paring panyengkuyung awujud semangat, beya lsp.

Kejaba iku, tiyang sepuh uga bisa mbiyantu guru nggatekake siswa nalika sinau ing ngomah.

Fitri Nurhayati, S.Pd.