Page 117 - Kelompok_Kompetensi_G_Makarya_Sembrama_Wacana_Puisi_miwah_Geguritan
P. 117
a. Wirasa utawi Interpretasi
Pinih riin sadurunge ngwaceén, patut resepang dumun suksma, wirasan
utawi unteng pikayuna ring puisi sané jagi kawacén. Napiké puisi punika
madaging indik kalulutan, kasengsaran, utawi madué tiosan. Yéning tan tatas
uning ring suksman puisine punika, sinah pacang sukil rikala jagi ngwetuang
rasa.
b. Wirama utawi olah vokal
Yéning sampun tatas uning ring wirasan puisi sané jagi kawacén, patut
anutang mangkin ring wiraman suara rikalaning ngwacén. Ngwacén puisi patut
nganutin tempo, intonasi, miwah artikulasi.
c. Semita/ Raras, Wiraga utawi gerak tubuh
Rikala ngwacén puisi, semita miwah wiragané patut anutang ring wiraman
suara miwah ring wirasan puisiné sané kawacén. Yéning suksman puisiné indik
kasengsaran, patut wiraman suara, semita miwah wiragané mangda anut
sakadi anak kasengsaran.
d. Wates Lengkara
Mangda jakti tatuek babosan utawi unteng pikayun madué wenten
sajeroning puisi, patut tatasang ugi ring dija patutné babaosané/papacané
majanggelan utawi mararian.
a) Mengamati :
Wacén, uratiang miwah resepang materi indik kasusastraan
b) Menanya:
Suratang sahananing pitakén miwah pikobet sané karasayang wusan
nguratiang miwah ngresepang materi indik kasusastraan
c) Mencoba:
Indayang rereh karya-karya sastra ring sahananing media, raris makarya
kelompok miwah mligbagang daging kesusastran punika
d) Menalar:
Widyatulayang sareng kelompok soang-soang sahananing pikobet lan
materi sané sampun kapikolihang indik materi anggah ungguhing basa
105
