Page 116 - Kelompok_Kompetensi_G_Makarya_Sembrama_Wacana_Puisi_miwah_Geguritan

sapunapi tatkala ngumbara nglintangin kota?
dalu siang jero, panes bara karasa
anak mabaos piragi tiang tan mari
panes jagaté, sané ngranayang napi?
piragi tiang taler
munyi gerang-gerung sliwar-sliwer
tan mari, pegat nyambung
mamanah tiang: méweh deriki ngrereh suung
duk ngumbara ngalintangin désa
wénten jero, wénten madué sebetang tiang
pakanten bangketé sayan nguremiwahg
yén telas, pantuné tandura ring dija?
sampunang mitaenang tiang nakénang
klebehé ngumbara dumunan ngujeg tiang

/2009-2013/

(Antologi Dénpasar lan Don Pasar, 2013)

e. Satire: inggih punika puisi sané madaging sesimbing utawi sindiran
ring kahanan jagaté, katahan sindirané puniki majeng ring sang

angawa rat. Medal nyané puisi sané madaging sesimbing utawi
sindiran puniki santukan sang angawa rat nénten becik ngambel jagat,
kalintang momo, utawi sakadi mangkin kabaos korupsi.

BIKUL RUSUH
Bikul-bikul rusuh

bibihné ngancan bujuh
rakyaté suba nganggon musuh
sing suud-suud kaborosin lan kapisuh….

(Madé Suar Timuhun, pupulan puisi Mlajah, 2014)

5.3. Uger- uger Rikalaning Ngwacén Puisi

Ngwacén puisi nénten ja pateh sakadi ngwacén sasuratan biasa,
santukan puisi punika mapaiketan sareng wirama (rima miwah irama) miwah
Bait taler Larik. Sadurung ngwacén puisi mangda kauningin dumun uger-uger

sané patut resepang rikalaning ngwacén puisi. Yéning sampun ngamargiang
sakadi napi sané dados uger-uger, pastika sampun ngamolihang pangrasa
sané manut daging puisi sané kawacén.

104