Page 111 - Kelompok_Kompetensi_G_Makarya_Sembrama_Wacana_Puisi_miwah_Geguritan

transisi sakadi ring sastra Indonesia. Puisi Bali Modéren doh mabinayan ring

puisi Bali purwa (tradisional). Yening ring puisi Bali purwa (tradisional) wénten
uger-uger sané ngiket wangun puisiné punika utawi kasengguh padalingsa. Sang
sané jagi nyurat nénten dados lempas saking uger-uger sané sampun katami

saking nguni. Nanging ring Puisi Bali Modéren, nénten wénten uger-uger sané
ngiket wangun puisiné, dadosné sang kawi bébas pacang ngawedar rasa.

Uger-uger ring puisi Bali purwa nénten dados lémpasin, santukan punika
mapaiketan ring tembang utawi wirama sané jagi kaanggén nembangan puisiné
punika. Matiosan pisan ring Puisi Bali Modéren sané nénten wénten ugernyané.

Saking tabél ring ajeng, prasIda kacingakin pabinayan puisi Bali purwa ring Puisi
Bali Modéren. Puniki nyihnayang, Puisi Bali Modéren nénten ja turunan utawi

transisi saking puisi Bali purwa. Puisi Bali Modéren embas saking panglimbak
puisi Indonésia miwah Barat. Nanging indik daging utawi unteng pikayunan ring
Puisi Bali Modéren nénten ja prasIda lémpas ring budaya, adat, miwah kahanan

jadma Baliné.

Puisi Bali Modéren sané kapertama embas duk warsa 1959, duk punika

medal puisi sané mamurda “Basa Bali” pakardin Suntari Pr. Puisiné puniki medal
ring Majalah Memiwah Bahasa, No. 1, tahun 1969. Puisiné puniki katah kabaos
pinaka tonggak embasnyané kahuripan Puisi Bali Modéren, yadiastun kantos

mangkin durung tatas kauningin sapa sira sujatiné Suntari Pr. punika. Ring sor
puniki puisi kapertama sané wénten ring sastra Bali modéren:

Basa Bali
(antuk Suntari Pr.)

Tan uning titiang ring karanan ipun,
Suksman titiangé kategul antuk benang sutra,
Ngranjing manyusup tulang ngantos ka sumsum,
Madué dados bagian awak titiangé.

Sareng maurip saking ayunan ngantos kelih,
Seduke ngipi, mamanah tur ngamedalang rasa,
Ring sajeroning basa ibu,
Manah titiangé sampun kelih antuk cayané,
Kaborbor sukman titiangé antuk cayané,
Titiang manggihin pribadin titiangé,
Titiang magubugan ring masyarakat,
Terus masemetonan sareng sawitra,

99