Page 129 - Kelompok_Kompetensi_G_Makarya_Sembrama_Wacana_Puisi_miwah_Geguritan

 Buka banténé masorohan.

Suksemannyané: buka anaké ané ngitungang panyamané dogénan, kadi
mangkin kabaos nepotisme
2.3 Sloka

Sloka inggih punika bebaosan paimba, sané matetuek nuturin anak antuk
baos sané cutet, masaih ring senggakan, sakéwanten ring pangawitné madaging
angkepan kruna buka slokané, buka slokan guminé, utawi kadi slokan jagaté.

Upami :
 Kadi slokan jagaté, suarga tumut papa mangsul.

Suksemannyané: Sakadi anaké sané nemu bagia ipun mendep, ri
sampun kasengsaran wawu éling ring sameton.

2.4 Sawangan
Sawangan inggih punika bebaosan kadi pangrumrum, kanggén ngajum-

ajum, miwah mintonin utawi nyacadin anaké tiosan. Sesawangan puniki sering
taler nganggén kruna kadi, buka, miwah luir.
Upami:

 Romané nyalang selem kadi mangsi
(Puniki pangrumrum sané mawinan anaké seneng)

 Rambuté inggel ngredep kadi bulun jangkrik
(Puniki pangrumrum sané mawinan anaké seneng)
2.5 Bladbadan

Bladbamiwah marupa babaosan mawangun angkepan kruna
sané madaging kruna tetiron saha mapangater ma-. Wangun kruna

punika kabaos giing, sané maderbé arti sejati, miwah arti paribasa.
Upami:

 Mabuah kelor
arti sujati: klétang

arti paribasa: klentangin
 Mabubuh kladi

arti sujati: kulek

arti paribasa: elek

117