Page 131 - Kelompok_Kompetensi_G_Makarya_Sembrama_Wacana_Puisi_miwah_Geguritan

2.9 Peparikan

Peparikan pateh ring pantun sajeroning basa Indonesia. Peparikan
kawangun antuk lengkara petang carik, carik kaping 1 lan 2 pinaka giing, carik
kaping 3 lan 4 pinaka daging utawi suksmanipun. Ginarsa (2009:24) maosang

peparikan puniki kanggén ring sasolahan tari jangér. peparikan puniki
katembangang olih pragina sané istri, sané ring Bali kabaos ‟parik‟ sané lanang
kabaos kécak.

Peparikan mawit saking kruna ‟pari‟ sané maarti padi. Dumun, yéning
wénten pakaryan ring sawah, utamannyané rikala manyi, risampuné wusan

manyi, para taniné pacang makarya upacara sané madaging gegendingan
nganggén peparikan.
Upami:

1. Balang minyak balang memedi
balang kaja mawadah lumur
lamun nyak jalan melali

tusing joh neked di sanur
2.10 Raos Ngémpélin
Raos ngémpélin kruna-krunané sané asiki maderbé teges

kakalih, sané asiki madaging arti sejati, sané malih asiki maarti ngintar.
Upaminipun: Lamun payu motonan, beli ja nyéléngin. Kruna-kruna

puniki sering kanggén rikala para pelawak miegan ring sesolahan
drama. Sané ngawinang tegesnyané kakalih inggih punika rikala
maosang malianan wiramané

2.11 Sesimbing

Sesimbing puniki mateges sindiran. Biasané sesimbing puniki mawirasa
pedes mawinan anaké sané keni kasimbing jagi duka, jengah, utawi sedih.
Sesimbing sering nganggén imban polah, kahanan, utawi rupan jadma. Ring

asapunapiné taler nganggén baos sané nungkalik.
Upami:
 Yadin amunapi tegeh pakeber badumiwahé, diulungné masih ka
tainé
Suksemannyané: yadin amunapi ageng anaké polih kabagian, yéning
sampun ganti surud kasadianipun, taler ipun mawali tiwas sakadi kuna.

119