Page 66 - Kelompok_Kompetensi_G_Makarya_Sembrama_Wacana_Puisi_miwah_Geguritan

Ngrereh Informasi tiosan sané mapaiketan indik kruna, pepalihan wangun

kruna, conto soang-soang wangun kruna, wewangsan kruna, sandi suara,
miwah pepalihan sandi suara

d. Menalar:

Mawidyatula miwah makarya sareng kelompok indik kruna, pepalihan
wangun kruna, conto soang-soang wangun kruna, wewangsan kruna,

sandi suara, pepalihan sandi suara

e. Mengomunikasikan :

Makarya wacana miwah paragrap antuk wangun kruna miwah madaging
sandi suara

AGET

Aget. Mula saja aget. Tiang tusing taén tusing aget. Sing pelih I Mémé lan
I Bapa ngamiwahin tiang, Wayan Aget Kaya Utama. Tusing ja amiwah dogén

aget, kéwala idup tiangé mula aget. Kaya…mula saja tiang sugih, sugih
masepuk, tusing kuangan buk. Apa tagih tiang pastika ada, krana tiang aget.
Meme bapan tiangé sugih, makemikan nagih baju ada baju. Makemikan nagih

montor ada montor. Ento krana tiang aget. Aget lan kaya ento suba ané utama.
Mula dueg pesan Bapan tiange ngamiwahin pianak. Nyak adung ajak idup tiange

jani.
Uli mara masuk sekolah tiang suba aluh, tusing ja taén tiang malajah.
Kanti SMP tiang konden cacep mapetékan. Nu paling liman tiangé mapetékan,

apa buin ngitung aljabar, jeg pasti sambrag. Maca buku tiang tusing demen,
lamun suba nepukin huruf-huruf mapunduh buka kena hipnotis pastika kiap.
Dugas ujian, makejang timpal tiangé malajah jungklang-jungkling, lés kemu mai,

peteng lemah ngalih rumus, mimiih…pedalem. Tiang jumah maBalih, malali lan
maplalianan sing ngrambang apa-apa, sakéwala pamuputné tiang masi lulus.
Ento krana tiang aget.

54