Page 67 - Kelompok_Kompetensi_G_Makarya_Sembrama_Wacana_Puisi_miwah_Geguritan

Tiang tusing taen paling ngalih sekolah. Uli SD kantos jani SMA tiang

masekolah di sekolah favorit, ento krana tiang aget. Bapan tiangé liu ngelah
timpal pengedé, makejang kepala sekolahé ento timpalné, apabuin jani Bapan
tiangé dadi kepala sekolah sik sekolah tiangé. Ngancan élah tiang di sekolah.

Aget mula saja tiang aget. Yadiastun tiang belog tusing taén ada guru ané bani
ngorahin. Bapan tiangé masi bas sanget sayang tekén tiang. Tuah abesik
pabesen bapan tiangé apang tiang tusing ngaé bapan tiangé lek di sekolah.

Tiang tuah bisa anggut-anggut.
Munyin ujané ngricik di sisi. Anget pesan awak tiangé masaput. I Mémé

suba dingeh tiang gelur-gelur uli tuni, nanging tusing ja ngranaang gedé bayun
tiangé lakar bangun. Jani tiang ujian pemantapan di sekolah, sakewala
paningalan tiangé tusing nyak kedat krana ibi tiang maBalih TV kanti peteng.

Ipian tiangé mailehan, ngipi malali, ngipi majaguran, ngipi kaplok-kaplokina
batise.
“Yan..Yan bangun Yan…suba jam kutus né…”mémén tiange negak

disisin baléné sambilanga ngaplokin batis tiangé.
“Adduhh..Mémé ané ngaplokin batis tiangé kanti macelep ka ipian
tiangé.”Kijap-kijap tiang sambilang menahin saput lakar nengkul buin.

“Yan…bangun..suud monto masaput. Jani Wayan ujian di sekolah,
ngudiang jam kutus kondén masi bangun?”Saput magambar micky mouse tiangé

kedenga tekén I Mémé.
“Aduuh…Mé..kiap sajan tiang. Télpun dogén I bapa orahang tiang gelem.
“Miih…sing dadi keto, cening…énggalin bangun, suba tengai. Lek atiné

ujian sekolah tusing masuk. Kadén cening suba majanji tekén bapan ceningé
tusing lakar ngaé bapan ceningé lek di sekolah“ Biin kedenga saput tiangé kanti

ulung di betén.
Majalan tiang masuk atehanga ajak supirné I Mémé, Pak Aris. Pak Aris
supir anyar di jumah ané geginané ngatehang I Mémé magaé. Pak Aris wong

dauh tukad ané limolas tiban ngalih pangupa jiwa di Bali. Semengané dadi supir
petengné madagang lalapan di arep umah tiange. Kios Bapan tiangé séwané
ajak Pak Aris lan kulawargané. Apang tusing nganggur tongosé tur maan pipis

ngoyong keto Bapan tiangé masaut lamun ada pisagané ané matakon. Ipimiwah
supirné I Mémé anak uli Karangasem, krana sasai nagih libur ulian rérahinan,
suumiwahga tekén I Mémé. Apa buin upahné maalan tekén ané tagiha tekén Pak

55