Page 269 - RAQAMLI TRANSFORMATSIYA DAVRIDA PEDAGOGIK TA’LIMNI RIVOJLANTIRISH ISTIQBOLLARI

“RAQAMLI TRANSFORMATSIYA DAVRIDA

PEDAGOGIK TA’LIMNI RIVOJLANTIRISH
ISTIQBOLLARI”

XALQARO TAʼLIM DASTURLARI ASOSIDA PEDAGOGIK OLIY TAʼLIM
MUASSASALARIDA DUAL TAʼLIMNI RIVOJLANTIRISHNING METODIK
TAʼMINOTINI TAKOMILLASHTIRISH

Muallif: Sultonova Gulnoza Raximberdi qizi
1
Affiliyatsiya: Andijon davlat pedagogika instituti Boshlang‘ich ta'lim kafedrasi
o'qituvchisi
1
DOI: https://doi.org/10.5281/zenodo.17331946

ANNOTATSIYA

Mazkur maqolada xalqaro ta’lim dasturlari tajribasi asosida pedagogik oliy ta’lim
muassasalarida dual ta’limni joriy etishning nazariy asoslari va amaliy yo‘nalishlari tahlil
qilinadi. Dual ta’lim modeli nazariy bilim bilan amaliyotni uyg‘unlashtirishga xizmat qilib,
kelajakdagi pedagog-kadrlarning kasbiy kompetensiyalarini rivojlantirishda muhim o‘rin
tutadi. Shuningdek, maqolada xalqaro tajriba misolida dual ta’limning afzalliklari, uni joriy
etishda mavjud muammolar va ularni bartaraf etish yo‘llari ko‘rib chiqilgan. Oliy ta’lim
tizimida ushbu modelni keng tatbiq etish pedagogik jarayon samaradorligini oshirish,
mehnat bozorida raqobatbardosh mutaxassislarni tayyorlash hamda ta’lim-tarbiya
jarayonida innovatsion yondashuvlarni kengaytirishga xizmat qiladi.

Kalit so‘zlar: dual ta’lim, xalqaro ta’lim dasturlari, pedagogik oliy ta’lim, kasbiy kompetensiya,
innovatsion ta’lim, ta’lim sifati, nazariya va amaliyot integratsiyasi.

Bugungi kunda taʼlim tizimidagi islohotlar, ayniqsa, pedagogik oliy taʼlim
muassasalarida amaliyotga yoʻnaltirilgan taʼlim shakllarining joriy etilishi muhim
ahamiyat kasb etmoqda. Bunday shakllardan biri — dual taʼlim tizimi — hozirgi global
raqobat sharoitida yuqori malakali pedagog kadrlar tayyorlashda samarali mexanizm
sifatida eʼtirof etilmoqda. Dual taʼlimda nazariy bilim va amaliy ko‘nikmalar
uyg‘unlashgan bo‘lib, bu pedagoglarning real kasbiy faoliyatga moslashishini
tezlashtiradi. Shu jihatdan xalqaro tajribalar asosida dual taʼlim metodikasini
takomillashtirish dolzarb masalalardan biridir.
Dual taʼlim bu taʼlim jarayonining nazariy va amaliy qismlarini birlashtiruvchi
tizim bo‘lib, unda talabalar oliy taʼlim muassasasida nazariy bilimlarni egallab, so‘ngra
ishlab chiqarish yoki taʼlim muassasalarida bevosita amaliyotda qatnashadi. Bunday
tizim Germaniya, Shveysariya, Avstriya kabi mamlakatlarda keng tarqalgan bo‘lib,
aynan ushbu davlatlarning tajribasi asosida Oʻzbekistonda ham dual taʼlimni joriy
etish bo‘yicha bir qator tashabbuslar ilgari surilmoqda. Dual taʼlim tizimining asosiy
ustunligi shundaki, talaba oliy taʼlimni davom ettirar ekan, bir vaqtning o‘zida amaliy
ish tajribasiga ega bo‘ladi. Bu esa kelajakda ularning ishga joylashish imkoniyatlarini
sezilarli darajada oshiradi.
Xalqaro taʼlim dasturlari dual taʼlimni rivojlantirishda muhim rol o‘ynaydi.
Jumladan, Erasmus+, DAAD, Tempus, Horizon 2020 kabi dasturlar orqali xorijiy oliy
taʼlim muassasalari bilan hamkorlikda pedagogik yo‘nalishlarda yangi o‘quv rejalari 267
ishlab chiqilmoqda, metodik qo‘llanmalar yaratilyapti, professor-o‘qituvchilar va

I SHO‘BA:

Sifatli ta’lim – barqaror taraqqiyot kafolati: xorijiy tajriba va mahalliy amaliyot

https://www.asr-conference.com/