Page 2 - tembang dhandhanggula
P. 2
• Paugerane tembang Dhandhanggula:
Guru gatra : 10 gatra
Guru wilangan : 10, 10, 8, 7, 9, 7, 6, 8, 12, 7
Guru lagu : i, a, e, u, i, a, u, a, i, a
• Watak tembang Dhandanggula
Manis, Luwes, Kesengsem
TEMBANG MACAPAT
Tembang Jawa tegese reriptan kanthi paugeran tertemtu kang pamacane kudu dilagokake, lan bisa diiringi wiramaning gendhing.
Gendhing yaiku suwara lelagoning gamelan. Manut peprincene, tembang Jawa bisa kaperang dadi 3 golongan :
1. Tembang gedhé utawa sekar ageng, tuladhane :
a. Kusumastuti
b. Citramengeng
c. Tepi Kawuri
d. Kumudasmara
e. Pamularsih
2. Tembang tengahan utawa sekar tengahan utawa sekar dhagelan, tuladhane :
a. Wirangrong
b. Pranasmara
c. Balabak
d. Palugon
e. Juru Demung
f. Pangajabsih
Macapat kedadeyan sekang tembung maca sing tegese maca/nglagokaken lan tembung pat tegese papat, macapat tegese
maca/nglagokaken papat-papat.
Katrangan bab tembang macapat, bisa dipriksani kaya neng ngisor kiye :
a. Tandha-tandhane tembang macapat.
1) Nganggo pathokan (paugeran) : guru wilangan, guru lagu, dhong-dhing, guru gatra, pada utawa pupuh.
2) Basane basa jawa anyar.
3) Bisa ngadheg dhewe tanpa iringan gendhing
b. Gunane tembang macapat.
1) Kanggo kasusastran jaman saiki.
2) Kanggo mbawani utawa nggerongi gendhing.
