Page 36 - Thukul Ing Lemah Nela

Thukul ing Lemah Nela

dienteni wis teka. Karo nyawang lakune Sima Ludira,
Kanciludin ngguwak idu cuh, ora maelu ing kono akeh
tamu. Batine gemontang ngundamana Sima Ludira.
Awakmu kuwi saya suwe awak-awakan, atimu ora
adoh saka ati-atian, esemmu uga mung esem-eseman.
Nalika Sima Ludira menehi sambutan. Kanciludin
ngadeg, nyedhaki meja sing kanggo ndeleh es. Wadhah
beling sing isi es degan iku digolingake. Banjur dhe-
weke nyedhaki meja panganan. Dheweke nyupuk sate
diwadhahi piring banjur dicemplungake ing wadhah
jus sing isine kebak jus duren. Sing padha weruh
tumindake Kanciludin ora ana sing wani nglorohi.
Kalebu Kutut sing dadi kepala keamanan ing kono uga
meneng wae.
Nalika Sima Ludira wis bar menehi sambutan,
Kanciludin ngadeg nyedhaki panggung campursari.
Kandhane marang MC-ne, dheweke arep nyumbang
gendhing. Microphone wis dicekel, introne musik
keprungu lagu Jambu Alas. Enak keprungu, para tamu
akeh sing padha jogedan. Anggone nyanyi saya
nyedhak marang Sima Ludira. Pas ing tengah-tengah
iringan musik, Kanciludin manggakake para tamu
supaya melu njoged.
“Bapak dua, ibu dua, saudara dua, mangga kita
sesarengan njoged,”
Para tamu ngguyu, dheweke uga ngguyu, sing
nggiringi lagu uga ngguyu, penyanyi sing ayu-ayu
ngguyu. Lan sing dadi gumune, Sima Ludira kok ya
melu ngguyu. Nanging bareng weruh sing nyanyi,
dumadakan praupane rada pucet. Kongkonan ajudane
njupuk amplop ijo neng meja mburi. Amplop banjur
ditampa lan dilebokake sak. Njagani sing bar nyanyi

Supriyoko | 28