Page 39 - Thukul Ing Lemah Nela
P. 39
Thukul ing Lemah Nela
GODHONG KELOR
AQa
S
S
rengenge lagi inguk-inguk ing walike gunung.
Hawa esuk isih mondhok ing awake Kancil-
udin sing lagi semplah lan kegubel ati sing
lungkrah.
Dheweke mara menyang sumur, kemu lan raup.
Bubar saka sumur nyandhak pacul. Disawang sing
wedok lagi iwut neng pawon cethik geni kanggo
adang. Meja sing adate ana cepakan kopi, isuk iku blas.
Arep nggawe dhewe, dheweke wegah.
Dijangkahake sikile, karepe arep ndang nyang
sawah. Nanging kecandhet ati sing aras-arasen.
Wusana wurung menyang sawah. Kanciludin lenger-
lenger lungguh kursi kayu neng emper omahe. Angluh
angen-angene, sumpeg atine.
Ora sumpeg piye, bengine dheweke bar diuneni
sing wedok. Awit angger-angger ana rembug penting
karo bojo, entek-entekane cuklukarmbel. Cucuk jalu
cakar gembel ngantem rasa sakatege. Kerah kaya
kucing karo kirik kae. Endi sing dadi kirik lan endi
31 | Godhong Kelor
