Page 51 - Ветераны
P. 51
ШЕСТАКОВА МАРИЯ НИКОЛАЕВНА
Эбэм, Шестакова Мария Николаевна, 1926 сыл тохсунньу 28
күнүгэр Уус-Алдан Арыылаах нэһилиэгэр төрөөбүтэ. 13 сааһыгар
«Кыһыл кэккэ» колхоз үлэһитэ буолар. 1943 сыллаахха трактористар
курстарыгар үөрэнэр. Онтон ыла 17-лээх эдэр кыысчаан ХТЗ
тракторынан колхоз бары үлэтигэр кыһыннары-сайыннары,
түүннэри-күнүстэри таһаарыылаахтык үлэлээбитэ. Эбэм тыраахтар
эрэмиэнигэр, ыһыыга, сири паардааһыӊӊа, хара тыаны солооһуӊӊа,
тутуу маһын таһыытыгар эр дьонтон хаалсыбакка үлэлээбит.
«Аҕа дойдуну көмүскүүр Улуу сэрии 1941-45сс килбиэннээх
үлэтин иһин», «Маршал Жуков Г.К», «И.В.Сталин», «Улуу Кыайыы
юбилейнай», «Үлэ ветерана» мэтээллэринэн наҕараадаламмыта.
Биһиги эбэбит килбиэннээх үлэтинэн, дьоһуннаах олоҕунан киэн
туттабыт!
Хос сиэнэ Игнат Шестаков 3 «б» кылаас үөрэнээччитэ
