Page 2 - bahasa Jawa kelas 8 sem 2_Neat
P. 2
Kegiatan 1. Wangun Teks Layang
Nganti saiki isih akeh masyarakat sesambungan kanthi migunakake layang.
Nanging jaman saiki wis rada suda, amarga akeh kang nggunakake piranti
sesambungan (komunikasi) sing luwih modheren upamane email, BBM, SMS,
WhatsApp, Twitter lumantar handphone/ internet. Miturut isine, layang bisa
kaperang dadi:
1. Layang Pribadi (layang iber-iber)
2. Layang Ulem (undhangan)
3. Layang Lelayu (kabar kepaten)
4. Layang Kitir (telegram)
5. Layang Paturan (pemberitahuan/edaran)
6. Layang dhawuh (perintah)
Tugas 1 : Nyemak Layang Pribadi
1. Ing ngisor iki ana tuladha teks layang pribadi, coba semaken perangan lan isine
layang pribadi iki!
Madiun 16 Juni 2015
Katur dhumateng
Pakdhe Kartasumarma
ing Surabaya
Atur pamuji rahayu
Kanthi serat punika keng putra atur pawarta bilih ingkang putra sakulawarga
ing Madiun tansah ginanjar wilujeng. Panuwun kula dhateng Gusti Ingkang Maha
Agung, mugi-mugi Pakdhe saha sadaya kulawarga wonten ing Surabaya tansah ginanjar
wilujeng, kalis saking rubeda.
Kajawi saking punika, kula ngaturi pirsa bilih tanggal 16 Juni punika sampun
ngancik prei semester ganep. Ancas kula sadangune prei punika, kula badhe sowan
dhateng dalemipun Pakdhe. Kula badhe ndherek nyipeng watawis seminggu, amargi
kula sampun kapang sanget kaliyan Pakdhe, Budhe, Simbah, saha sadaya kulawarga
wonten ing Surabaya.
Wasana cekap semanten atur kula, manawi wonten lepat atur saha panyerat,
kula nyuwun lubering samudra pangaksami.
Ingkang Putra
