Page 5 - bahasa Jawa kelas 8 sem 2_Neat

Tugas 3: Nyemak Unsur Basa Teks Layang Pribadi

Nalika nulis layang kudu mangerteni jinise ukara sing arep dianggo.
Biasane, ukara sing dianggo nulis layang iku mau nduweni surasa dhewe-
dhewe. Umume antarane nyritakake kahanan, nakokake kabar, pangarep-
arep, lan liya-liyane.

a. Ukara Carita.
’’ Ngaturi pawarta bilih ingkang wayah sakulawarga ing Madiun tansah
ginanjar wilujeng..”
Ing perangan bebukaning layang kiriman iku mau ngemot tuladha
ukara carita.

Pepeling
Ukara carita/Kalimat berita yaiku ukara kang isine nyritakake
sawijining bab, kedadean, utawa sawijining kaanan marang wong
liya.

Kanggo mangerteni luwih cetha babagan ukara carita semaken tuladha
ing ngisor iki!
(1) Ingkang wayah sakulawarga ing Madiun tansah ginanjar wilujeng.
(2) Tanggal 16 Juni aku wis wiwit prei.
(3) Bapak lan ibu tindak peken esuk mau.
(4) Kula sampun tumbas tiket kreta jurusan Surabaya.

b. Ukara Pitakon.
’’ Pripun pawartane simbah lan pakdhe ing Surabaya?”
Ing perangan bebukaning layang kiriman iku mau uga ngemot
tuladha ukara pitakon.

Pepeling
Ukara Pitakon yaiku ukara kang isine njaluk katrangan marang
wong sing maca utawa sing diajak guneman. Ukara iki umume
migunakake tembung pitakon apa, piye, pripun, kados pundi, sinten,
sapa lan pira.

Kanggo mangerteni luwih jelas babagan ukara pitakon semaken tuladha
ing ngisor iki!
1. Pripun pawartane simbah lan pakdhe ing Surabaya?
2. Apa sing kokgawa Sri?