Page 6 - bahasa Jawa kelas 8 sem 2_Neat

3. Pira putrane pakdhe?
4. Simbahmu daleme ing ngendi?
5. Sinten sing nampi layang?

c. Ukara Sananta
’’ Kula benjing ndherek nyipeng watawis seminggu”
Ing perangan surasa basa kasebut, ngemot tuladha ukara sananta.

Pepeling
Ukara Sananta yaiku ukara kang isine niat, karep, utawa sedya.
Ananging, kang duwe niat utawa sedya mau awake dhewe. Mesthi
bae ukara iki durung kelakon utawa durung katindakake jalaran isih
awujud niat

Kanggo mangerteni luwih cetha babagan ukara sananta semaken tuladha
ing ngisor iki!
(1) Kula benjing ndherek nyipeng watawis seminggu.
(2) Buku iki arep daksumbangke marang anak yatim.
(3) Timbang nganggur, tak sinau nulis layang kiriman.
(4) Klambimu sing reged dakumbahe pisan dhi.
(5) Sesok awan aku arep sinau klompok ing omahe Nisa.

Gladhen:
Sawise nyinaoni babagan jinise ukara, wacanen maneh tuladha ”layang
pribadi ing dhuwur”. Tindakna pakaryan ing ngisor iki!
a. Klompokna ukara kang kalebu ukara carita
b. Klompokna ukara kang kalebu ukara pitakon
c. Klompokna ukara kang kalebu ukara sananta

Unggah-ungguh Basa
Sajrone medharake isine layang marang sapa wae mesthi lumantar ukara
kang nggunakake unggah-ungguh basa. Nulis layang marang sapepadhane lan
marang wong kang luwih tuwa kudune nggunakake unggah-ungguh basa kang
beda. Kanggo nulis layang marang wong kang luwih tuwa kaya tuladha layang
ing dhuwur nggunakake basa krama.
Basa krama yaiku jinising basa kang dumadi saka tembung krama kang
diseseli tembung krama inggil. Tembung sing dikramakne inggil biasane amung
kanggo wong sing dikurmati wae. Basa krama iki uga sinebut basa luwes amarga
bisa dianggo sapa bae.