Page 4 - Artemis_8_(September 2021)

1

Christian FALTL

I bi ned gaunz dicht!

I hoff, ees hädads es ned gmeakt, waun i eich des ned gsogd häd. Und i maan, a

jeda gangad brisant, waun ma des zu eam sogd. I bi bis Saumsdog a au'gfressen
g'wesn, owa – es is woa, i hob ma 's söwa bewiesn. Owa, des muaß i eich eascht
dazöön.
Aum Freitog – im Beisel – san ma g'standen, da Koal und i. Hamma a poa Bia
drung'n, a poa vüü, aans, drei, fünfe, vüü, sexse – z'vüü. Hamma aa filosofiat.
Da sogt auf amoi da Koal: "Oida, du geest ma wohi, du bist ja ned gaunz dicht!" Des
sogt ea allerweu, wann i eam am Oasch geh mit meine Ideen. Nau, hob ieam nimma
ei'gladn aufs letzte Bia, wora no mea haaß, da Koal. Daun bin i haam gwogelt – woa
eh scho Zeit!
In nexten Tog, i woch auf mit an bleden Sche'l vo' de Bia und mit an G'schmock in da
Pappn, wia waun i an Schaaß g'fressen häd – vo' de vü'n Tschick. Do foit ma wida
da Koal ei, i wa ned gaunz dicht maant ea. I pock 's ned.
Noch an Deufesrolla und an schwoazn Kaffee bi i daun in de Bodwaunn g'stiegen.
Is ma wida da Koal aufg'stessn, mit seine depperten Mödung, dass i ned gaunz dicht
bi. Naujo, driff i mi hoid nexte Wochn nur mitn Fronz im Tschecherl am Eck, hob i ma
vuagnumma.

Daun hob i 'n Sche'l unters Wossa ghoidn, weu i ma in da Bodwaunn imma de Hoa
wosch.
Jetzt muaß i eich no' was dazöön: Oiso, i dua in da Bodwaunn gean untadauchn, so
gonz midn Sche'l, do hoid i ma de Nosn zua, damit ma 's Wossa ned eini rinnd und
schdreck de Fiaß ausse. *)
I waaß net, wia ri eich des akläan soi – oiso, de Damen soin se jetzt bein Lesn de
Augen und bein Zuahuachn de Uhan zuahoidn.
I sog eichs, des is wia zruckpuderd, so schee woam, so schee schtüü, nix duad da
wee, des is wia im Bauch vo da Muada. Und da hoid i de Luft au', gaunz laung, i
maan, so laung wia ri 's hoid aushoid – des is wirkli unhaamli klass.
So, jetzt kennan die Damen wieda de Augen und Uhan aufmochn, jetzt is wieda
onständich.
Oiso, i lieg da ganz schtüü untan Wossa, hob de Augn zua, deng ma nix, und huach

in mi eini, hea da drinnan natirli nix, weu i mach jo in mia kaan Leam, hegstens waun
ma da Mogn krochd oder mi a Schaas zwigt.
Owa, auf amoi steigt aus mein linkn Uhan a Luftblosn auf. Und noch aana Sekundn
wieda aane, und daun no' aane!
Jetzt rinnd ma boid es Wossa ins linke Uhan - wia waun mi da Blizz g'straaft häd, bi i
midn Schä'l ausn Wossa ausse: I hob an Podschn, mia geht laungsaum de Luft aus.
Wiaso kummt aus mein Uhan de Luft ausse? Is in mein Schä'l wirkli nur woame Luft
drin – wia da Leera imma g'sogd hod?