Page 5 - Artemis_8_(September 2021)

2

Do is ma wieda da Koal eig'foin. Heast am End hod dea do' rechd, weu' waun aus
mein Uhan de Luft ausn Schä'l ausgeed, daun bi i wirkli ned gaunz dicht.
Owa des hod da Koal ja goa ned wissn kenna, dea Leasch, dea woa jo nua
paumpert zu mia.
Seidn Saumsdog bi i ma ned sicha, wos i duan soi. Und aussa eich hob i des no
neamd dazööht. Seids so guat und dazööht's es a ned weida, bis i do Gwisheid hob!

I maan es is ma ned aans, ob i gaunz dicht bi oda ned! Und voa oinn, jetzt kaun a
jeda zu mia sogn, du bist ned gaunz dicht und i deaf mi goa ned aufregn, weu's ja
woa is!
I sog eichs, jetzt bi i im Schdress, vielleichd hob i nua Loch in Drommeföö und i soit
hoit amoi zu an Uhanoazt gee. Owa ob des so afoch is, des waaß i ned.
Am End g'heerat i zu aan gonz aan ondean Oazt – was sogts ia? Ha?

*) (kichert verlegen)

Christian Faltl (2006)