Page 32 - MIN JUS 27 FEB 2016
P. 32
Gerald Keteldijk director di DTP manda cas
Thursday, 25 February 2016 22:22
Comparti
Gobierno a dicidi di suspende Gerald Keteldijk, director di Departamento di Transporte Publico. E tabata
na cabez di e departamento aki pa algun tempo. Tin basta keho riba su funcionamento. E departamento
no tabata funciona optimalmente. Mas cu un biaha e trahadornan a pone trabou abou e simannan cu a
pasa.
Di acuerdo cu kehonan entrega na Gobierno, ni e rooster di trabou ta wordo hinca den otro. E
trahadornan ta traha di tal forma cu nan no sa adelanta con nan warda ta draai. Asina tin un sin fin di
asuntonan pasando cu por mustra di ta mal maneho y ta causa frustracion grandi bou di e empleadonan.
Esey ta e motibo tambe cu e decision a cay pa kita suspende Gerald Keteldijk for di su funcion.
Fuentenan ta indica cu lo opta awor pa instala un management team na DTP. Asina lo bay trece un
ambiente di trabou diferente.
Den pasado Gerald Keteldijk tabata traha na KIA y eynan tambe a hay'e den problema
cu a conduci na su suspension y a want'e na cas pa algun aña.
