Page 34 - MIN JUS 27 FEB 2016

K9 Unit di Polis ta gara hobennan sospechoso cu varios paki
di droga

Friday, 26 February 2016 19:51
Comparti

Unidadnan di K9 tabata basta atento diabierna atardi. E dianan aki tin manera un of mas grupo ta loer
diferente area turistico. Recien a atraca hendenan banda di beach. Pesey mes e unidadnan di K9 ta extra
atento den cierto area di beach. Diabierna den un auto priva di K9 a mira algun hoben sospechoso.
Nan tabata den un Corolla color blanco ta actua masha sospechoso banda di Surf Side unda e cura di
aeropuerto ta. Nan tabata core y mira sospechoso esnan den auto of gozando di e area di e beach. Na
dado momento a mira cu nan a stop y sinta actua straño den e auto. A bay asina leu di cuminsa corta nan
marihuana y despues cende un bon cheiba. Mientrastanto e unidad cu tabata tin nan na bista a pidi
refuerzo mesora. E team di K9 a yega block riba e auto Corolla cu kier a bandona e area. A atende cu tur
tres persona den auto. E chauffeur a keda deteni y e ocupante sinta na banda. Esun patras a scapa
pasobra no a haya nada riba dje. El a wordo cori for di e sitio. E otro dosnan a haya como cuater paki riba
nan. Tambe e cigaria recien lora no a wordo huma completo. Cu dogcatcher a transporte e dosnan deteni
pa warda. E auto a wordo poni un banda. Guynan jong ta masha activo den humamento di porkeria.
Ademas nan ta haci cosnan straño y pesey autoridad ta wowo habri riba tur movecion den area turistico.
Un bon trabou di K9.