Page 46 - MIN JUS 27 FEB 2016

SEPPA ta urgi gobierno pa bin cu un “tevredenheids
onderzoek” den KIA

Friday, 26 February 2016 20:04
Comparti

SEPPA tabata presente na un reunion cu minister di Husticia, DRH y otro sindicatonan, encuanto di
ziektemelding na KIA. Tin un preocupacion na gobierno riba un situacion cu tin eynan.

Edmundo Marlin di SEPPA a indica cu ta bezig cu un reglamento di ziekteverzuim pa KIA, pa asina
ahusta esaki. Basa riba e analisis cu gobierno a haci cu nan ta haya cu ziekteverzuim di KIA ta hopi halto
y pa e motibo ey ta bezig ta ahustando algun regla eyden pa asina wak con por mehora e situacio aki. En
berdad tabata tin un reunion cu ta un continuacion. Tabata tin algun punto cu a discuti e prome biaha. A
haci ahustacion. Diaranson a bin constata cu no tur cos a bay manera cu a wordo discuti y mester bay
bolbe haci ahustacionnan atrobe riba dje. E ahustacionnan ey ta bay haya nan probablemente awe
diabierna.

Basa riba esey ta wardando wak kico e ahustacionnan ta pa wak kico ta bay bira e proximo punto.
Gobierno ta bay implimenta riba esaki, segun cu por a scucha e minister, pero 1 di Maart.

Tin algun punto cu ta standard caba, pero tin algun punto cu a bin cun’e y eynan ta caminda sindicato ta
ilustrando na gobierno, of e minister en cuestion, cu si tin cu distingui dos cos. Un persona cu ta meld
ziek frecuentemente of uno cu ta sporadisch ziek. Pa e ultimo, e reglanan ta keda normal pe. Pero na
momento cu categorisa un persona cu ta meld ziek frecuentemente, tin un regla extra riba esaki pasobra
kier tin mas control riba e melding cu e persona haci cu e ta duna di conoce cu e ta malo. Esey ta e punto
di bista di SEPPA cu no por bin cu un regla cu ta bay across the board pa tur hende, mirando cu kier
ataca e situacion caminda cu tin hende cu ta meld ziek frecuentemente. Eynan ta caminda cu a mustra cu
tin cu haci un distincion pasobra e persona cu casi no sa meld ziek y si e meld ziek mes, e reglanan
normal mester conta pe. Pero na momento cu bay over pa bin cu un regla cu ta bay touch tur hende, bo ta
hinca esunnan cu no ta meld ziek hopi den problema. Si kier touch e fenomeno di e hendenan cu ta meld
ziek frecuentemente, mester haci adaptacion di e reglanan. Esey ta e posicion cu SEPPA ta tumando aden
awor aki.

Marlin a splica cu tin situacionnan caminda e trahadonan ta trahando bao di cierto situacion di tension y
a bisa den varios ocasion, mester bin cu un investigacion na KIA pa haya sa kico ta e problema cu e
hendenan aki ta meld ziek. Kico tin.

E investigacion aki yama un “tevredenheids onderzoek”. No por ta posibel cu tin un bon trahado y tin
situacion cu ta andando y ningun hende ta atende cune y no ta haya oido, cierto momento e trahado ey ta
frustra pasobra e no ta sinti cu preocupacionnan ta wordo atendi y na cierto momento ki ora e pensa e tin
cu bay KIA e ta meld ziek. Tin cu bay investiga pa haya sa kico ta e problema cu tin eynan. Ta masha facil
bisa cu hende ta meld ziek frecuentemente pero no a haci investigacion cu e persona pa sa kico ta e
problema. E por tin un problema medico, pero e por tin un problema mental cu ta strob’e pa motibo cu
tin situacionnan cu e persona ta trahando den dje, cu no ta un situacion bon. Eynan ta mustrando
gobierno constant pa bay haci investigacion. Por a ripara den corte ultimo cu e trahadonan cu a haya nan
mes den e caso, a ilustra duidelijk, bao di ki condicion y ki situacion e hendenan aki ta trahando. E ora
por compronde kico ta pasando. Esey ta loke kier ilustra. E ta facil pa bisa cu el a meld ziek, pero busca