Page 25 - AVP
P. 25
Chris Romero. Diaranson ultimo mandatario a biaha atrobe, sin menciona unda e ta bay
ni pakico. Mientrastanto aki na Aruba el a bay laga un problema serio atras, ora cu
Cuerpo di Duana a cuminsa aplica un maneho, cu segun nan, a bin di e mesun Minister
Romero, den cual ta adapta derecho di e taxistanan. Algun a mira cambio ora di importa
auto nobo, cu nan a bisa cu mester paga belasting normal, pues cu no ta goza mas di “Tax
Free” ora importa un auto nobo!
Pa hopi decada, tur Gobierno a continua cu e mesun maneho, esta cu Taxistanan no ta
paga impuesto di importacion ora importa un auto nobo. Manera ta conoci, mayoria auto
ta alcansa como 50% di impuesto ora di importa. E placa aki ta pasa via Duana drenta
caha di Gobierno. Recientemente Taxistanan a haya nan mes confronta cu Duana cu a
bisa nan cu Minister Chris Romero a adapta e maneho y cu awor ta auto “sedan” te cu 5
pasahero so ta goza di e beneficio ey. Asina cu busca un SUV of un van cu por carga mas
cu 6 pasahero, cu mester paga “volle pond” na Departamento di Duana.
