Page 26 - AVP
P. 26
E
mundo di transporte publico ta innovando y Taxistanan ta kedando atras den tecnologia.
Rond mundo ta debatiendo riba fenomenonan manera “Uber”. Taxistanan mester cera
cabes, uni y yega na un sorto di aplicacion moderno asina na Aruba tambe. En bez di
yama otro via radio, ta ora pa haci esey den bo celular mes, den cual e pasahero, e Central
di Taxi y e Taxista ta conecta na otro, banda di un sistema di pago automatico.
Taxistanan kier protesta contra Minister Chris Romero
Linda Orman den un voicenote pa Taxistanan ta bisa nan cu no por sigui wanta mas
abuso contra taxistanan y cu e ta boga pa un accion di protesta dilanti edificio di
Bestuurskantoor pa mustra e Gobernantenan cu no ta asina-asina ta trapa riba derechonan
adkeri di Taxistanan. E mensahe lo no mester ta contra e Gobierno na mando awo aki so,
sino contra tur futuro Gobierno tambe, pasobra ta exigi respet pa e trabou di Taxi.
