Page 28 - AVP
P. 28
riba autonan di mas cu 6 persona. Ta considera cu tur cu a haya e beneficio aki den
pasado como un eror”.
Mas leu Theo Kock a sigui skirbi cu “Nos a bisa Duana cu esaki ta bay trece discordia
pasobra cu te recien a duna taxistanan invoerrechten vrij onterecht kisas na Duana su
interpretacion. Y cu no por yega par’e sin duna un tempo na esunnan cu ya a order autodi
afo caba. A hasta sinta cu Consehero di Minister di Finansas cu a percura pa nos sinta
hunto cu Duana. Un conseho a sali siman pasa for di DTP pa Minister Romero cu lo
mester acord’e y mand’e pa Minister Ruiz Maduro cu despues mester mand’e
Ministerraad pa acorda”.
Theo Kock a lamenta cu Taxistanan a bay tras di Duana ciegamente y sin tuma contacto
cu DTP prome. Esey riba su mes no kiermen nada pasobra DTP no tin ni e minimo
influencia riba e maneho di Duana cu ta resorta bou di otro Ministerio. Es mas, na Duana
nan ta insisti cu e decision a bin di ariba, pues di Minister Romero mes, pero e ta nenga
awo. Pues e pregunta den laira ta: Ken a ordena Duana pa kita e derecho di Taxistanan?
Un Minister mester a tuma un decision si, pasobra riba nan mes nan lo no cuminsa
interpreta leynan na un forma diferente diripiente.
