Page 15 - MIN ON
P. 15
26 AWEMainta Diamars, 21 Maart 2017
Project VWO 5 di Colegio Arubano ta pone salsa den nan promo cu Taco Bell
COLEGIO Arubano hunto cu e alumnonan cu ta participa na e di
bintitres biahe educativo di VWO 5 ta forma parti di e promocion
di Taco Bell, “Pone Salsa den bo Promo”.
E alumnonan di VWO 5 a ricibi un invitacion di Taco Bell Kinikini
pa nan tuma over e restaurant y haci nan evento p’asina nan por
recauda fondo pa e proyecto educativo di e Colegio Arubano.
E alumnonan por uza nan creatividad p’asina duna forma na nan
evento cu ta tuma lugar na Taco Bell Kinikini. E alumnonan mes lo
traha den e restaurant, sirbiendo e clientenan, entretene e muchanan
y haci promocion pa nan propio combo di dia.
Di e forma aki Taco Bell ta duna un parti substancial di e entrada di
e dia aki na e proyecto di e scol. E prome evento di e alumnonan di
Colegio Arubano VWO 5 a tuma lugar diadomingo ultimo cu titulo
“Dia di Aruba”. Durante e proximo weekend e eventonan ta sigui.
