Page 13 - AM200630

Diamars, 30 Juni 2020 AWEMainta 13

Motociclista a perde control, a baha

caminda, a bolter y a drenta mondi

DIADOMINGO den oranan di madruga riba e ca-

minda di Kibaima, un motociclista bayendo direccion
zuid pa un of otro motibo a perde control, el a baha

caminda y a bolter drenta mondi. Mesora a pidi pa

presencia di Polis y ambulance.

Na yegada nan a bin topa enberdad cu e motociclista

herida, e tabatin golpi na varios parti di su curpa y un
rasca grandi na su lomba.

E patruya di Santa Cruz cu tabata n’e sitio, a cera un
banda di caminda y despues a atende cu e accidente y

a tuma tur datos.

Ambulance tambe a presenta y paramediconan di
ambulance a trata e motociclista n’e sitio y despues a

transport’e pa hospital.
Algun amigo of famia di e motociclista a presenta n’e

sitio y a keda encarga di hiba e bromer.

Ultimo dia pa inscribi pa studia

na Colegio EPI pa aña escolar

2020-2021 ta 30 di juni 2020

Colegio EPI kier informa comunidad di Aruba, en especial tur
esnan cu kier bin studia na Colegio EPI den e aña escolar nobo, cu
e ultimo dia pa inscribi t’awe 30 di juni 2020.
Inscripcion ta digital via e website di Colegio EPI:
www.epiaruba.com/aanmelding

Pa sigura bo cupo ta necesario pa haci e pago di inscripcion di 40
florin y haci entrega di un copia di ID valido y comprobante di
pago.
Colegio EPI ta recorda tur esnan cu a inscribi caba, pero no a paga
e inscripcion y/of no a entrega copia di ID valido, pa haci esaki
mas tarda cu awe 30 di juni 2020 p’asina por sigura bo cupo.

Tur inscripcion cu wordo ricibi entrante 1 di juli 2020 padilanti y
tur esnan cu a inscribi y no a cumpli cu e rekisitonan necesario, lo
wordo poni riba un wachtlijst.
Pa cualkier pregunta adicional, por tuma contacto cu e unidadnan
di Colegio EPI n’e siguiente numbernan di telefon:
• Unit S&S: 5258770, salubridad@epiaruba.com
• Unit Economia: 5258760, economia@epiaruba.com
• Unit H&T: 5258781, hospitalidad@epiaruba.com
• Unit C&T: 5258750, eoramos@epiaruba.com