Page 16 - AM200630

16 AWEMainta Diamars, 30 Juni 2020

Accidente serio na Sabana Liber,

causa dor di chauffeur burachi

DIADOMINGO anochi 10’or varios unidad
policial a wordo manda Sabana Liber, unda un

accidente serio lo a sosode.

E accidente tabata altura di e supermercado
Wei Ming. Riba caminda Polis a topa cu un

Ford Explorer pick up riba su banda benta y

hopi mas pabou un Hyundai Accent color cora.

Polis a constata cu no tabatin hende herida,

pero debi cu ambos auto a haya basta sla y ta
trata di un accidente serio a solicita pa ambu-

lance .

Loke tambe nan a pidi tabata transportwagen,
debi cu chauffeur di e Accent di baina por a

para riba su pianan.

LOKE A SOSODE

N’e sitio Polis di Trafico a papia cu chauffeur di

e Ford Explorer, kende a conta Polis cu e taba-
ta bayendo direccion Kudawecha o sea pariba.

Dado momento el a mira e Accent cu tabata
biniendo di pariba bayendo banda di e pick up.

Aki ta unda el a cuminsa baha velocidad, dor
cu el a pensa cu e auto tabata bay dal contra e

pal’i luz cu tin eynan.

E vehiculo a sigui bin y baha caminda banda
pazuid y subi bek dal e pick up parti patras y

bolter.

Despues e Accent a bay para mas pabou panort

di caminda. Dor di esaki Polisnan a cera na al-

tura di Brug di Madushi y pariba di Wei Ming
Supermarket, trafico tabata wordo desvia.

Dos ambulance a presenta y a controla sola-

mente chauffeur di e pick up, ya cu algun rato
prome transportwagen a bay cu chauffeur war-

da di Shaba.

Takelwagen mester a presenta pa bolter e pick
up bek y move di caminda, ya cu e no por a

move riba su mesun un forsa mas.