Page 8 - ATA

24 AWEMainta Diabierna, 15 Juni 2018

Minister Chris Romero a reconoce Vicente Kock pa su aporte

Como prome productor di biña local conoci como “Vino Vince”

RECIENTEMENTE, sr. Chris Romero, Minister encarga cu Sec-

tor Primario a haci un visita serca e conocido productor di bina local,
sr. Vicente Kock na su residencia. Esaki a tuma lugar den presencia di

representantenan di Santa Rosa como tambe un grupo di productornan
local.

Sr. Vicente Kock no ta ningún persona desconci, ya cu nos por aprecia

su potret exponiendo su bina, riba diferente promocion turístico tanto
na Aruba mes como den exterior.

VicenteKock ta un beniro cu un expertisio di mas 25 ana. E parti mas
bunita di su productonan ta, cu tur Wijndruif cu ta ser usa, ta wordo

produci y cosecha tambe na su propio cunucu.

UN POCO DI SU HISTORIA

Vicente Kock a inicia su carera como Binero, después di a traha pa un

largo tempo den e industria di Timeshare y Seguro. Durante su trayec-
toria den e industria turístico, el a logra sera amistad cu diferente bishi-

tante procedente di Francia, Italia y Arabia. Aki el a inicia cu su plant-

ación di diferente tipo di druif cual e tabata mezcla cu frutanan local,
pa crea un bina único y netamente local.

E parti mas bunita di su compania, ta cu e tabata conta cu e sostén di
su senora (q.e.p.d) y su yuinan.

E trabou di planta, cuida, cosecha y produci bina local, no ta uno fácil
pa motibo di e condicionnan climático cu nos isla ta conta cune y sin

lubida e limitacion di awa. Sin embargo, Vicente Kock no a laga esaki-
nan demotive y tabata logra produci suficiente pa acomula un cantidad

di mas cu 400 boter di biña pa aña. Esakinan tabata wordo bendi for di

su cas of durante eventonan organiza dor di ATA of te hasta Santa Rosa
mes durante e dia di mercado.

E RECONOCIMENTO
Durante e visita na Vicente Kock, na su residencia na Sombre, Minister

Romero a comparti un rato sumamente ameno cu esnan presente y a

tuma e oportunidad aki pa reconoce sr. Kock como un baluarte pa nos
Sector Primario y Pionero den producción di Bina pa Aruba.

Vicente Kock a ricibi e reconocemento den presencia di miembronan di

su famia y algún productor local hopi conoci den nos comunidad.

Vicente Kock, pa motibo di salud, no ta produciendo mas, pero su de-
seo di mas grandi ta pa Aruba por logra establece un scol pa muchanan

por sina planta, cuida, cosecha y produci mas biña local, p’asina man-
tene su visión y esfuerzo di mas di 25 aña, bibo p’e próximo generación.