Page 33 - MIN ON - JUNI 22.2015
P. 33
26 AWEMainta Dialuna, 22 Juni 2015
Yrausquin a
haci donacion di
bicicletanan special
na Pasadia Bibito Pin
y a haci trabou boluntario n’e skol
RECIENTEMENTE e compania di auto Yrausquin
tabata hopi contento y orguyoso pa aporta den nos
comunidad den forma caritativo y boluntario y a entrega
bicicletanan nobo p’e muchanan na Pasadia Bibito Pin.
Tambe e team di e Body Shop di Yrausquin a duna e
bicicletanan bieu un ‘overhaul’ nobo.
Durante e fin di siman cu a pasa un gran parti di e
empleadonan di Yrausquin hunto cu algún famia y
amigonan a ofrece un man pa haci trabou boluntario y a
duna algun di e kambernan un ‘grote schoonmaak beurt’.
E trabounan tabata ensera e.o. saca tur equipo, haci e
kambernan y equipo limpi y hinca nan bek den e kamber
correspondiente.
Pasadia Bibito Pin ta un departamento di e Fundacion pa
Personanan cu un Deficiencia Intelectual Aruba, SVGA
(Stichting voor Verstandelijk Gehandicapten Aruba).
E ta un pasadia pa mucha cu ta brinda servicio na mas
o menos 48 cliente entre 2 pa 16 aña. Meta principal di
e Pasadia ta pa optimalisa e desaroyo di e abilidad di e
mucha.
E boluntarionan entusiastico y balente di Yrausquin a
haci un tremendo trabou cu e limpieza. Den nomber di
Pasadia Bibito Pin y Yrausquin nos ta gradici tur pa nan
gran ayudo y apoyo.
