Page 58 - MIN ON 14 SEPT 2014

Mireille Sint Jago (MEP) Scol y Medianan
Social
Monday, 14 September 2015 00:05

Comparti

Social Media manera Facebook, Twitter, Instagram etc, pa ley ainda ta un medium priva. Caminda antes
nos twt yama nos amistadnan of famianan na telefon pa comparti kico nos a experiencia of kico nos ta
sinti, awendia esey ta sosede awor riba e plataforma di social media.

Tanten cu esun cu ta comparti e informacion, no ta haci esaki na un manera professional, e ta keda un
publicacion priva. E hecho cu e cantidad di hende cu por lesa e informacion aki ta immenso, no ta haci cu
e informacion ta uno cu ta publico mescos cu ora informacion sali den un corant.

A COMPARA HANS CU HITLER
Ta p'esey tambe mi ta sorprendi di locual a pasa cu e hoben di 15 aña cu ta atende Colegio Arubano. El a
expresa su mes na un manera negativo riba social media: El a pone un potret di e rector nobo, Hans
Timmermans, banda di esun di Hitler. Esey tawata su manera pa expresa su disgusto despues of durante
di e manifestacion cu e alumnonan a tene riba dia 8 di september, ora cu a sali na cla cu e rector Hulandes
aki a introduci y/of a effectua diferente reglanan, locual no a cay den bon tera serca e alumnonan. Awor e
pregunta ta... Bo ta bay sinti bo. mes ofendi of bo ta wak esaki como un oportunidad pa drenta den un
conversacion cu e hoben?

NO TIN OTRO SCOL
Cu tur innovacion y technologia cu ta disponibel awendia, tin un factor grandi cu si no a cambia: e hende
cu ta uza e technologia. E era di Social Media ta trece cu ne den e mundo di educacion, cu nos mester
traha riba richtlijnen pa tur esnan envolvi den enseñansa. Den e caso aki, mi ta spera cu e mayornan lo
busca nan derecho. Rector Hans Timmermans a hoba cos asina leu, cu no ta sigur si a hoben di 15 aña por
sigui den VWO 4. Cual pa mi ta un straf disporportional pa un hoben cu a solamente expresa su mes na un
manera negativo riba su Social Media Page. E no a pone graffiti riba e murayanan di scol of haci daño na e
scol den un forma of otro, el a expresa su opinion. E reaccion di rector Hans Timmermans, ta parcemi
disproportional. Ban spera cu esaki lo bora un caso dilanti huez pa asina nos haya sa 'once and for all' kico
ley ta bisa na Aruba, tocante postsnan riba Social Media na Aruba.

http://www.24ora.com/politica-mainmenu-18/99472-mireille-sint-jago-mep-scol-y-medianan-social