Page 90 - MIN TTC 12 APRIL 2016

Fritz Israel di Aruba Certification Program a elabora entre otro riba e programa Aruba Certification
Program pero tambe riba servicio na e cliente.
Desde e transicion di A.T.A. como un organizacion di mercadea e destinacion, pero awo tambe co
encarga cu maneho pa cu e producto, A.T.A. ta pone enfasis riba e responsibilidad di su rol
prominente den e area di desaroyo di e producto como tambe e servicionan cu nos destinacion ta
brinda. E sesionnan ta un ehemplo di A.T.A. su atencion pa crea mas conocemento y pa crea
practicanan nobo cu lo aumenta e nivel di producto ‘Aruba’ y a lo largo e experiencia di nos
bishitantenan y e impacto economico pa nos isla.
Ademas di esaki, e conocido programa ‘Aruba Certification Program’ -cual awo ta cay bao A.T.A.- ta
hungando un rol importante pa stimula esnan trahando den e industria di hospitalidad pa conoce
nos isla miho como tambe pa conoce e balor di nos destinacion turistico.
Durante e mainta di sesion, diferente oradornan internacional a comparti informacionnan valioso.
Entre nan tawatin Sr. Marco Botero cu ta encabeza e parti di benta di Twitter na unda el a elabora
riba social media como tambe e servicio di social networking etc.
Ademas John Muñoz –vice presidente di informacionnan di servicio y socionan durante su lectura
entre otro a compara Aruba cu otro islanan den nos region, den termino di entre otro gasto di cada
bishitante esaki conforme estadistica basa riba uso di e tarheta di credito ‘MasterCard’.
Ronella Tjin Asjoe-Croes – CEO di A.T.A., a pone enfasis cu nos mester corda cu turismo ta encera
e hendenan cu bo ta topa y e hospitalidad cu ta wordo brinda. Aruba ta depende riba e calidad di su
hendenan pa brinda un producto di calidad. Pa tal motibo, mester sigura cu tur esnan den e
industria aki pero tambe e comunidad di Aruba en general ta dispone di e conocemento di e
producto Aruba. E importancia di e calidad di servicio y di tin e habilidadnan necesario pa brinda un
bon servicio ta aporta na e experiencia completo y ta e rason pakico asina hopi bishitante ta bolbe
nos destinacion pa disfruta di nan vacacionnan. Uso di instrumentonan digital tambe tin cu wordo
priorisa pa un y tur, Tjin Asjoe-Croes a sigui elabora.