Page 93 - MIN TTC 12 APRIL 2016

E informashon relatá na e chekeo di e persona (background check) su pasport ta outomatisá i por
keda kontrolá pa e e sistema di manehá kontrol di frontera (Border Control Management System –
BMS).
Esakinan no ta pasaheronan ku un riesgo haltu sigun e maneho di Imigrashon.
E pasaheronan aki tin un pasport ku un chip ku ta krea e oportunidat pa hasi chekeo mas
lihé.
Gran parti di e fluho di pasahero ta konsistí di e pasaheronan aki.
•Pasaheronan di 18 aña òf mas, ku por aktua i ser responsabel pa nan mes.
Esaki ta nifiká ku un
famia ku tin pasport Europeo, Kanades òf Merikano ku un chip ku ta biaha ku muchanan menor di
edat (bou di 18 aña), no tur por hasi uso di un e-Gate; mirando ku un menor di edat mester ta
kompañá pa un mayor i solamente personanan individual mayor di edat por pasa dor di un e-Gate.
E famianan aki por hasi uso di un bali ku ta stipulá pa personanan ku tin un pasport Europeo,
Kanades òf Merikano.
•Turistanan ku ta bin Kòrsou pa un estadia di máksimo 3 luna i a yena e ED Card ‘online’.
Tene
kuenta ku mester yena e ED Card ‘online’ 24 ora promé ku nan vuelo sali ku destinashon pa Kòrsou.
Kurasoleñonan no bibá na Kòrsou tambe mester yená un ED Card ‘online’ Mirando ku
Kurasoleñonan no bibá na Kòrsou no ta inskribí den e registro sivil di Kòrsou, nan no ta konsiderá
nan komo residente; pues si nan kier hasi uso di e-Gates esaki ta posibel, pero e ta rekerí pa nan
yena un ED Card ‘online’ 24 ora promé ku nan vuelo sali ku destinashon pa Kòrsou.

Kurasoleñonan no bibá na Kòrsou no ta obligá di yená un ED Card ‘online’, si nan no kier hasi uso di
e-Gates; sin un ED Card yená ‘online’ 24 ora promé ku nan vuelo sali ku destinashon pa Kòrsou nan
no por hasi uso di e-Gates.
Loke ántes tabata konosí komo preferensia pa Kurasoleñonan no bibá
na Kòrsou dor di laga nan pasa dor di e bali di residente, tampoko ya no ta eksistí; esaki mirando ku
tin otro repartishon di e balinan i e sistema di kontrolá frontera digital (Border control Management
System) entre otro ta hasi un chekeo ku e sistema di registro sivil. Tene bon kuenta ku e kambio aki!
•PasaheronankutabinKòrsoupaunestadiadimaskutreslunaòfkutinmesterdiunpèrmitdi estadia
temporal, manera ta kustumber lo mester dirigí na mes na e balinan serka Servisio di Imigrashon pa
hasi e kòntròl di frontera nesesario. Esaki por ehèmpel ta e kaso serka personanan bibá Hulanda ku
ta bin kore stazje na Kòrsou.
Tene bon kuenta ku: basá riba e informashon menshoná akiriba por
konkluí ku bo mester kualifiká pa e kombinashon di e kriterionan p’asina por hasi uso di un e-Gate.
Pues si por ehèmpel bo no ta kumpli ku 1 di e rekisitonan bo no por hasi uso di e-Gates òf lo bo no
por realisá un kòntròl kompletu den e-Gate.

Kon ta usa un e-Gate?
No ta difísil pa hasi uso di un e-Gate. Pa duna bo un idea di e proseso, na kontinuashon ta hasi
menshon di e pasonan ku (probablemente) bo mester sigui:
Aserka un e-Gate.
Tin bo pasport na bo man.
Pone bo pasport riba e ‘reader’ ku e portrèt mustrando abou.