Page 94 - MIN TTC 12 APRIL 2016

Selektá e vuelo korespondiente.
Despues di un kòntròl di pasport eksitoso e portanan di e e-Gate ta habri outomátikamente;
drenta
den e e-Gate.
Posishoná bo mes riba e markanan di sapatu riba e flur i wak den e pantaya.
Por fabor warda un momentu; miéntras ta hasi kòntròl di bo identidat.
Si bo kara keda rekonosé ku éksito, e portanan ta habri i bo por sali for di e e-Gates.
Si pa kualke motibu e portanan no habri, un persona di Servisio di Imigrashon lo bin asistí
bo.
Asta si un persona pasa e proseso di kontrol di e-Gates ku éksito, e personal di Servisio di
Imigrashon tin e posibilidat i outoridat di hasi kòntròl adishonal den forma di ‘spot checks’. Ku tur
esaki ta spera di por realisá un proseso di kòntròl di frontera mas optimal i sigur miéntras ta krea un
mihó eksperensia kompletu pa e pasahero ku ta hasi uso di e Aeropuerto Internashonal di Kòrsou.

Posibel usuario di e-Gates
•Pasaheronan ku tin un pasport Europeo, Kanades òf Merikano ku un chip, di 18 aña òf mas, ku
por aktua i ser responsabel pa nan mes.
•Turistanan ku ta bin Kòrsou pa un estadia di máksimo 3 luna i a yena e ED Card ‘online’.
•Pasaheronan ku ta bin Kòrsou pa un estadia di mas ku tres luna òf ku tin mester di un pèrmit di

estadia temporal.