Page 17 - DIARIO 14NOV2015
P. 17
DIASABRA 14 NOVEMBER 2015 DIARIO PAGINA 17
Parlamentario mr. Juan Ady Thijsen:
Baba Herde ta biba ainda den storia bunita mientras Paul Croes ta confirma realidad amargo
ORANJESTAD (AAN): Parlamentario mr. Juan Ady Herde lider di Fraccion di mundo di fantasia di Mike
Cu masha asombro Thijsen a tuma nota cu Baba AVP ainda ta biba den e Eman cu economia di
Aruba ta esun mihor den
Reino Hulandes y Region
Caribense. Esaki ni un
siman despues cu Ministro
di labor Paul Croes a sali afo
y a confirma e realidadnan
amargo di nos economia na
unda por ehemplo tin 28,8 %
di hubentud ta sin trabao.
Baba Herde ta mira un
economia creciente na
unda no tin problema di
desempleo, no tin problema
cu poder di compra, no tin
problema cu negoshinan ta
cera, cu no tin problema di
pobreza. Casi bo por puntra
bo mes ta unda Baba Herde
biba of na unda e ta hinca su
cabez pa no wak e realidad!
E no ta lesa corant, e no ta
scucha radio? Pio ainda e no
ta lesa e tantisimo rapportnan
cu tin y cu ta elabora riba e
cantidad di problemanan cu
ta azota nos pais.
Ta dicon Baba Herde ta
kere cu Aruba tin un CAFT
riba su lomba, pa pret? No
Baba!!E problemanan ta
serio y bo mester stop di
sigi manipula cu cos ta
bon na Aruba. Paul Croes
ta confirma e realidad
cu tin hopi desempleo y
problemanan social pero
segun parlamentario di
MEP Juan Ady Thijsen
ta lamentable cu Minister
Paul Croes di Asuntonan di
Labor y asuntonan Social ta
bin cu solucionnan robez cu
consecuencianan grave pa
cu e pueblo.
Pa Aruba sali for di
su problemanan mester
cuminsa di acepta errornan
cometi y bisa e berdad
anto buska solucionnan
adecuado. Segun
Parlamentario mr. Juan
Ady Thijsen mester pone
un paro na manipulacion y
gañamento di pueblo, pio
ainda dor di lider di Fraccion
di AVP, sr Baba Herde cual
su tarea primordial ta pa
controla Gobierno.
